Բա՛վ է պառակտվել
11-10-2019 13:08

Անվտանգության խնդիրներն առաջնային բանակցային գործընթացում․ Արցախի նախագահ

Ստեփանակերտում անցկացվում է «Համագործակցություն հանուն արդարության և խաղաղության» խորագրով Արցախի բարեկամների համաժողովը, որին բացման խոսքով հանդես եկավ Արցախի Հանրապետության նախագահ Բակո Սահակյանը:
«Անկախ, ինքնիշխան, հզոր պետություն կերտելը մեզ համար եղել և մնում է մեր պետականաշինության հիմքը։ Ու այսօրվա միջոցառումը յուրահատուկ է թե´ բովանդակության, թե´ մասնակիցների առումով, քանի որ առաջին անգամ տեղի է ունենում Արցախի բարեկամների համաժողովը»,–ասաց Բակո Սահակյանը։
Արցախի նախագահի խոսքերով կարևորագույն հրամայական է Արցախի անվտանգության լիարժեք ապահովումը՝ բոլոր հարթություններում,քանի որ մեր անվտանգության չնչին իսկ թուլացումը հակառակորդի մոտ առաջացնելու է նոր ագրեսիայի դիմելու գայթակղություն, ինչն ինքնին հղի է անկանխատեսելի հետևանքներով։
Անդրադառնալով բանակցային գործընթացին՝ Բակո Սահակյանը նշեց, որ իրենք կողմնակից են Ադրբեջանի հետ հարաբերությունների խաղաղ կարգավորմանը՝ բանակցային սեղանի շուրջ՝ ԵԱՀԿ ՄԻնսկի խմբի հովանու ներքո:
«Այստեղ լուրջ հաջողությունների գրանցումը անհնարին է առանց բանակցային գործընթացի լիարժեք ձևաչափի վերականգնման, Արցախի լիիրավ մասնակցությամբ: Ակնհայտ է, որ Արցախի ճակատագիրը չի կարող որոշվել առանց նրա մասնակցության և մեզ համար չի կարող լինել վերադարձ անցյալին` լինի կարգավիճակի, թե սահմանների առումով»,-ասաց նա:

Բակո Սահակյանը միաժամանակ նշեց, որ իրենց համար հրամայական է հավասարապես բարիդրացիական հարաբերություններ պահպանելն ինչպես Եվրոպայի, ԱՄՆ-ի և Ռուսաստանի, այնպես էլ տարածաշրջանային պետությունների հետ։

 

Արմինե Գևորգյան

Բակո Սահակյանը՝ Արցախում ապրելու ու ՀՀ երկու նախագահների դեմ հարուցված գործերի մասին
Վերադարձ անցյալին՝ թե տարածքների, թե՛ կարգավիճակի առումով, չի լինելու․Բակո Սահակյան
Արցախում կկայանան նախագահական ընտրությունները՝ չնայած արտակարգ դրությանը․ Բակո Սահակյան
ՀՀ-ն ու Արցախը պետք է շարունակաբար բարելավեն ռազմավարական դիմադրողականությունը. ԱՀ նախագահ
Միջազգային հանրությունը մտադրված խանգարում է արցախցիների իրավունքների պաշտպանությանը