Անվտանգության խորհուրդը մտադիր է ավելի հաճախ հանդիպումներ անցկացնել նախապես հաստատված օրակարգով, իսկ անհետաձգելի հարցերի դեպքում `ըստ անհրաժեշտության:
Արցախի նախագահ Արայիկ Հարությունյանը նախագահել է Անվտանգության խորհրդի ընդլայնված կազմով նիստը:
Ինչպես հայտնում են նախագահի մամլո ծառայությունից, քննարկվել են հետպատերազմյան իրողություններին վերաբերող հարցեր. անվտանգության ապահովման խնդիրներից մինչև Արցախի իշխանությունների և նրանց բնակիչների վերահսկողությունից դուրս մնացած շրջանների խնդիրները:
Զեկույցներով հանդես են եկել Անվտանգության խորհրդի քարտուղար Վիտալի Բալասանյանը, տարածքային կառավարման և ենթակառուցվածքների նախարար Հայկ Խանումյանը, քաղաքաշինության նախարար Արամ Սարգսյանը:
Անվտանգության խորհուրդը զեկույցների հիման վրա լրացուցիչ քննարկումներ կանցկացնի և առաջարկություններ կներկայացնի գործադիր և օրենսդիր մարմիններին: