Հրապարակվել է Հայաստանի և Արցախի Մարդու իրավունքների պաշտպանների արտահերթ զեկույցը՝ Լաչինի միջանցքի 16-օրյա շրջափակման հումանիտարհետևանքների վերաբերյալ՝ թարմացված տվյալներով։
ՀՀ Մարդու իրավունքների պաշտպանի գրասենյակի փոխանցմամբ՝ զեկույցում մասնավորապես նշվում է, որ ադրբեջանական պետական քարոզչամեքենան շարունակում է այլատյաց մեթոդներ կիրառել և ազգամիջյան ատելություն սերմանել արցախահայության նկատմամբ՝ հենվելով կեղծ բնապահպանական սենտիմենտների համատեքստի վրա։ Թարմացվել են նաև նոր երևան եկած փաստեր կեղծ բնապահպանական ակցիայի մասնակիցների վերաբերյալ (որոնք փակում են տեղաշարժը Լաչինի միջանցքով):
Անգլերենով փաստաթուղթը կուղարկվի միջազգային իրավապաշտպան կազմակերպություններին և դատարաններին, նշելով Հայաստանի պահանջը՝ դադարեցնել Ադրբեջանի կողմից Արցախը Հայաստանի և մնացած աշխարհի հետ կապող միակ ճանապարհի արգելափակումը։