բավ է պառակտվել
09-11-2020 12:41

Հայկական զորքերը Շուշի-Քարին տակ հատվածում զբաղեցրել են առավել նպաստավոր բնագծեր. ՊԲ (տեսանյութ)

Նոյեմբերի 8-ին և լույս 9-ի գիշերը ՊԲ ստորաբաժանումները պաշտպանողական մարտեր են վարել ճակատային գծի հարավ-արևելյան, հարավային և հարավ-արևմտյան ուղղություններում: Այդ մասին հայտնում են ՊԲ-ի մամուլի ծառայությունից:

«Շուշի-Քարին տակ հատվածում ինտենսիվ մարտեր են ընթացել թշնամական հայտնաբերված խմբավորումների դեմ, որի արդյունքում վերջինս, կորցնելով մեծ քանակությամբ ուժեր, նահանջել է: Յուրային զորքերը զբաղեցրել են առավել նպաստավոր բնագծեր:

Նշված ժամանակահատվածում ճակատային գծի տարբեր ուղղություններում ոչնչացվել է թշնամական ուժերին պատկանող 1 տանկ, 4 միավոր ավտոտեխնիկա և 8 անօդաչու թռչող սարք: Հարավ-արևմտյան հատվածում ընթացող գործողությունների արդյունքում բանակային ստորաբաժանումները առգրավել են նաև թշնամական 1 տանկ և հրետանային միջոցներ:
Մարտական գործողությունների վարման ամբողջ ընթացքում հակառակորդը շարունակել է ավիացիոն և հրթիռահրետանային հարվածներ հասցնել Արցախի Հանրապետության խաղաղ բնակավայրերին: Առավոտյան ճակատային գծի բոլոր հիմնական ուղղություններով թշնամական ուժերի հարձակման փորձերը վերսկսվել են:
Օպերատիվ-մարտավարական իրադրությունը գտնվում է ՊԲ ստորաբաժանումների վերահսկողության ներքո», - ասված է հայտարարության մեջ:

Քիչ անց Արծրուն Հովհաննիսյանը իր ֆեյսբուքյան էջում ավելացրել է. "Շուշիից բացի կարևոր են նաև այլ ուղղության մարտերը։ Թշնամու հարձակման փորձերը տապալված են Մարտունու ուղղությամբ, Մարտակերտի ուղղությամբ, Թաղավարդի վրա և այլ տեղերում։ Բոլոր հատվածների մարտերն էլ չափազանց կարևոր են"։

Արմինե Գևորգյան

Ամբողջ օրվա ընթացքում Ադրբեջանի ԶՈՒ գրոհային ջոկատները փորձել են ներխուժել Քարին Տակ գյուղ - WarGonzo (տեսանյութ)
Շուշիում միանշանակ կանգնած են Արցախի պաշտպանական բանակի մարտիկները․ WarGonzo
Թշնամու հարձակողական գործողությունները բոլոր ուղղություններում շարունակվում են. ՊԲ (տեսանյութ)
Ադրբեջանը հավաքել և պահում է հայկական դիակները․ ԱՀ ՄԻՊ
Շուշի քաղաքի տարածքում հայտնաբերվել է ավելի քան 2 հազար դիակ. սարսափելի ճշմարտություն՝ Ռուսաստանի բանակից