Բա՛վ է պառակտվել
05-02-2020 15:55

Արցախի հեղափոխությունը սկսվում է Շահումյանի շրջանից. Հրանտ Մելիք-Շահնազարյան


«Սուր քննադատություն կա երկրի ներսում, բավական մեծ է տարբեր գործիչների ցանկությունը`դառնալ երկրի նախագահ եւ որպես արդյունք, նաեւ պառակտումը հասարակության մեջ օրըստօրե բարձրանում է»,- ասում է«Ոսկանապատ» կենտրոնի ղեկավար Հրանտ Մելիք-Շահնազարյանը, ով երեկ է վերադարձել նախընտրական Արցախից։
Քաղաքագետի խոսքով՝ այդ պրոցեսի շահառուները տարբեր մարդիկ են՝ սկսած նախկին վարչապետ Արայիկ Հարությունյանից, ներկայիս ԱԳ նախարար Մասիս Մայիլյանից, Սամվել Բաբայանից՝որն ամենաշատն է շահագրգռված, որպեսզի գործընթացներն ընտրություններով չգնան, քանի որ ինքն արգելք ունի նախագահական ընտրություններին մասնակցության:

«Խոսքս հեղափոխական սցենարների մասին է: Արցախում ստեղծվում է այն ամենն, ինչ մենք տեսել ենք Հայաստանում`2016-17 թվականների սկզբներին. կա այնտեղի «հաց բերողը», որը խնդիրներ է բարձրացնում եւ զոհի տեսքով է ներկայացվում հանրությանը, կան այնտեղի ծայրահեղական գնահատականներով հանդես եկող եւ նորաստեղծ կուսակցություններ, որոնք քննադատում են բոլորին`ամենավերջին վիրավորանքներով, անպատասխանատու ձեւերով եւ այլն: Կա երեխաների ներգրավում քաղաքական գործընթացների մեջ, կա հասարակությանը քայլերթի դուրս բերելու, ոտքով քայլելու`«Գյումրուց Երեւան գալու» սցենարներ եւ ամենակարեւորը` Հայաստանի բարձրաստիճան, ամենաբարձրաստիճան պաշտոնյաների ներգրավվածություն`այդ գործընթացները կառավարելու գործում»,–ասաց Շահնազարյանը:
Քաղաքագետը բացատրեց`ՀՀ վարչապետ Նիկոլ Փաշինյանը գնում է Շահումյանի շրջան՝ Արցախ, պաշտոնական բացատրությամբ`երեխային տեսակցության, բայց չի զլանում, դուրս է գալիս, շփվում է տեղի բնակիչների հետ, ոգեւորում է`տարբեր քայլերի դիմելու տեսակետից` «Իշխանությունը ժողովրդինն է, դուք կարող եք լուծել», կոչով է հանդես գալիս:
Մելիք-Շահնազարյանը նշեց, որ բանակցային գործընթացում կան լուրջ մտահգություններ։
«Տեսնում ենք, որ ամեն օր շոուներ են բեմադրվում ու տեսնում ենք, որ հանրությանը մեր կարևորագույն օրակարգի՝ Արցախի խնդրից շեղում են դեպի մանր-մունր, ոչնչով չհիմնավորված պրոցեսներ, որոնք ռազմավարական առումով իրենցից ոչինչ չեն ներկայացնում», ասաց քաղաքագետը։

 

 

Արմինե Գևորգյան

Արցախյան հակամարտության խնդիրը ոչ թե սեղանի շուրջ, այլ ռեալ հողի վրա լուծելու հարց է․ Թևան Պողոսյան
Ռազմական գործողությունների վտանգն էականորեն մեծացել է․ Դավիթ Շահնազարյան
Ստեփանակերտը չի ընդունում “ադրբեջանական համայնքը” արցախյան բանակցությունների մեջ ներգրավելու փորձը
ՀՀ-ն ու Արցախը պետք է շարունակաբար բարելավեն ռազմավարական դիմադրողականությունը. ԱՀ նախագահ
Միջազգային հանրությունը մտադրված խանգարում է արցախցիների իրավունքների պաշտպանությանը