Հարությունյանը ուժայինների հետ քննարկել է անվտանգային հարցերը Ադրբեջանի կողմից Լաչինի միջանցքի շրջափակման հետևանքով ստեղծված իրավիճակում

Արցախի նախագահ Արայիկ Հարությունյանը չորեքշաբթի օրը ուժային կառույցների ղեկավարների մասնակցությամբ խորհրդակցություն է անցկացրել, որին մասնակցել է նաև Անվտանգության խորհրդի քարտուղար Վիտալի Բալասանյանը, հայտնում է նախագահի աշխատակազմի տեղեկատվության գլխավոր վարչությունը։

Քննարկվել է Ադրբեջանի կողմից Լաչինի միջանցքի շրջափակման հետևանքով հանրապետությունում ստեղծված իրավիճակում ներքին և արտաքին անվտանգությանն առնչվող հարցերի լայն շրջանակ։

Քննարկումներից հետո նախագահ Հարությունյանը ներկաներին մի շարք հանձնարարականներ է տվել դրանց համալիր լուծման համար։