բավ է պառակտվել
21-10-2020 12:54

Ադրբեջանը շարունակում է թիրախավորել Արցախի խաղաղ բնակավայրերը

Գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են փոխհրաձգությունները, հրետանային մենամարտերը, հաղորդում են Պաշտպանության բանակից։
Լուսադեմին, կրկին անգամ խախտելով հումանիտար հրադադարի մասին պայմանավորվածությունները, թշնամական ուժերը կրակի տակ են առել Մարտակերտ քաղաքի ու շրջակա գյուղերի քաղաքացիական ենթակառուցվածքները:

Ներկայումս տեղային նշանակության մարտեր են ընթանում ճակատային գծի հյուսիսային և հարավային ուղղություններում:
ՊԲ հակաօդային պաշտպանության ստորաբաժանումների կողմից հարավային հարավային հատվածում խփվել է մեկ ինքնաթիռ: Օպերատիվ-մարտավարական իրադրությունը գտնվում է ՊԲ ստորաբաժանումների վերահսկողության ներքո:

Իսկ Արցախի արտակարգ իրավիճակների պետական ծառայությունից հայտնում են, որ հոկտեմբերի 20-ի լույս 21-ի գիշերը բոլոր բնակավայրերում հրադադարը համեմատաբար պահպանվել է, իսկ լուսադեմին Մարտակերտը՝ հարակից գյուղերով, նորից հայտնվել է թշնամու նշանակետում:

 Երեկ էլ նույն ուղղությամբ կիրառել էր ավիացիա, ռմբակոծել քաղաքացիական ենթակառուցվածքները:
 Ադրբեջանական զինուժը կոպտորեն խախտում է ոչ միայն հաստատված մարդասիրական հրադադարը, այլև խաղաղ բնակչության նկատմամբ կիրառում է արգելված զինատեսակներ:

Արմինե Գևորգյան

Ադրբեջանը հրադադարի ռեժիմը խախտեց նաև խաղաղ բնակավայրերում
Թուրքիան և Ադրբեջանը փաստում են, որ իրենց իրական թիրախը հայ ժողովուրդն է (լուսանկար)
Ադրբեջանը կրակ է բացել իրանցի խաղաղ բնակիչների տների ուղղությամբ (տեսանյութ)
“Ադրբեջանի թիրախավորված հարձակումից հետո”․ Շուշան Ստեփանյան (տեսանյութ)
Ադրբեջանը շարունակում է տորպեդահարել հրադադարի համաձայնությունը. Զոհրաբ Մնացականյան