Արցախի նախագահի աշխատակազմի տեղեկատվության գլխավոր վարչությունը հայտնել է, որ Արցախի Հանրապետության նախագահ Բակո Սահակյանը երեկ ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
“Հանդիպմանը քննարկվել են Արցախի և Ադրբեջանի զինված ուժերի շփման գծում տիրող իրավիճակին վերաբերող մի շարք հարցեր,- ասվել է տեղեկատվությունում:
Նախօրեին դեսպան Կասպշիկին է ընդունել նաև Արցախի արտգործնախարար Մասիս Մայիլյանը։ Հանդիպման ընթացքում կողմերը քննարկել են ԵԱՀԿ գործող նախագահի, Սլովակիայի նախագահ Միրոսլավ Լայչակի տարածաշրջան կատարած այցի արդյունքները, ինչպես նաև՝ Արցախի և Ադրբեջանի զինված ուժերի շփման գծում տիրող իրավիճակը։