Բա՛վ է պառակտվել
02-03-2020 23:04

«Չլսեք մարդկանց, որոնք ընտրություներից առաջ հայտնվում են համայնքներում և զանազան խոստումներ տալիս». Վիտալի Բալասանյան

Արցախի Հանրապետության նախագահի թեկնածու, Արցախի հերոս Վիտալի Բալասանյանը նախընտրական քարոզարշավի շրջանակներում այցելել է Քաշաթաղի շրջանի Կովսական և Փակահան համայնքներ: Ընտրողների հետ հանդիպմանը նախագահի թեկնածուն ներկայացրել է իր նախընտրական ծրագրի հինադրույթները:

«Գյուղատնտեսությամբ զբաղվողների համար բազմաթիվ չլուծված հարցեր կան: Արոտավայրերի հարցն է, վարելահողերի հարցը, ճանապարհների հարցը: Այնպիսի տպավորություն է, որ մենք արհամարհված ենք: Մենք չենք ուզում արհամարհված լինել ոչ մեկի կողմից»,- ասել է Արցախի հերոսը՝ նշելով, իր թիմին ծանոթ են համայնքային խնդիրները, և իր նախընտրական ծրագիրը տալիս է բոլոր խնդիրների լուծումը:

«Իմ խնդրանքն է՝ ում ուզում եք՝ ընտրեք, բայց ճիշտ որոշում կայացրեք: Չլսեք մարդկանց, որոնք ընտրություներից առաջ հայտնվում են համայնքներում և զանազան խոստումներ տալիս: Հասկացանք, որ սոցիալական խնդիրներ ունեն, բայց մարդկանց ձայնը, հաղթանակը չի վաճառվում»,- ասել է Վիտալի Բալասանյանը: «Կցանկանայի, որ Արցախում ապրողներն անխտիր մասնակցեն ընտրություններին, և ապրիլի 1ին բոլորը լինեն համախմբված, տարանջատված մարդ չլինի»,- հավելել է նա:

Նախագահի թեկնածուն նշել է, որ Իրանին և Ադրբեջանին սահմանակից գյուղերին պետք է տրվի ռազմավարական շրջանի կարգավիճակ, և դրանցում բնակվողները լինեն պետության հոգածության ներքո:

Վիտալի Բալասանյանը պատասխանել է նաև բնակիչներին հուզող հարցերին, որոնք տարաբնույթ էին՝ սոցիալական խնդիրներ, ճանապարհների վիճակ, բուժկետի բացակայություն, մանկաբույժի բացակայություն, Արցախի հարց և այլն:

Վիտալի Բալասանյանը համարում է հանրության հետ երկխոսությունը կայացած: «Դա խնդիրների լուծման կարևոր գրավականն է»,- ասել է նա:

Վիտալի Բալասանյանը առաջադրվել է Արցախի նախագահի թեկնածու (Տեսանյութ)
Արցախի ԱԳՆ ղեկավարը չի բացառել իր մասնակցությունը 2020թ ընտրություններին
Մենք այդպես էլ չլսեցինք, թե ովքեր են Արցախում դավադիր ուժեր. Վիտալի Բալասանյան
Արցախի ԿԸՀ-ն ներկայացրել է ընտրության նախնական արդյունքները՝ առանց Մարտակերտի
Արցախում նախագահական ընտրություններին կմասնակցի 14 թեկնածու