Արցախի պետական նախարարի խորհրդական Արտակ Բեգլարյանը հայտարարել է, որ Արցախի ժողովրդի դեմ Իլհամ Ալիևի էներգետիկ տեռորը շարունակվում է։
«Ադրբեջանում Ալիևի բռնատիրական ռեժիմը շարունակում է իր էներգետիկ տեռորը Արցախի ժողովրդի դեմ՝ ըստ ցանկության անջատելով և վերականգնելով գազամատակարարումը: Ցուրտ ձմռանը, երբջերմաստիճնտ հասնում է մինչև մինուս 10 -ի, Ալիևը ցանկանում է սրել մեր ժողովուրդի ֆիզիկական և հոգեբանական տառապանքը»,- գրել է Բեգլարյանը Twitter-ում։
Նախօրեին Ադրբեջանը մասամբ վերականգնել էր Հայաստանից Արցախ գազամատակարարումը, որը փակել էր փետրվարի 8-ին։ Ընդամենը մի քանի ժամ անց գազամատակարարումը կրկին դադարեցվել է, հայտնում են Արցախի տեղեկատվական շտաբից։