Եթե Ադրբեջանի զինված ուժերը չհեռանան մարտական գործողությունների գոտուց, ղարաբաղյան զինվորականները հակահարձակման կանցնեն: Այս մասին հայտնում են Հադրութի ռազմաճակատի @wargonzo- ի աղբյուրները: Համապատասխան ուժերն արդեն պատրաստվել են այդ նպատակների համար:
Տեղեկացված է նաև ՌԴ ՊՆ զորակազմը: Իրավիճակի մանրամասների վերաբերյալ դեռ պաշտոնական մեկնաբանություններ չկան:
Այս պահին մարդիկ հավաքվում են Ստեփանակերտում գտնվող ռուս խաղաղապահների ռազմաբազայի դիմաց:
Հայկական զորքերը մնացել են Խծաբերդի դիրքերում, սակայն թշնամին մտել է գյուղ, այժմ կողմերի հետ պայմանավորվածություն է ձեռք բերվել իրավիճակը կայունացնելու մասին: Այս մասին Facebook-ում հայտնել է Արցախի խորհրդարանի նախկին պատգամավոր Հայկ Խանումյանը՝ հղում անելով ռուս խաղաղապահների հրամանատարի տեղակալի խոսքերին:
Խանումյանը հայտնել է խաղաղապահների ռազմաբազայի դիմաց իր կոչով իրականացված գործողության մասին: «Մեզ հետ զրուցեց ռուս հրամանատարի տեղակալը (գեներալ Մուրադովը Արցախում չէ): Նա հավաստիացրեց, որ կողմերի հետ պայմանավորվել են կայունացնել իրավիճակը, մեր զորքերը մնացել են Խծաբերդի դիրքերում, բայց թշնամին մտել է Խծաբերդ գյուղ», - գրել է Խանումյանը:
Նրա խոսքով, այժմ բոլոր մակարդակներում բանակցություններ են ընթանում նախկին դիրքերը վերականգնելու ուղղությամբ: Հայկ Խանումյանը հայտնել է նաև, որ ավելի վաղ հակառակորդը գրավել էր Հին Թաղեր գյուղը, կիրառել հրետանի: Նախկին պատգամավորի խոսքով՝ հայկական կողմն ունի 6 վիրավոր: