Ամերիկայի Հայ դատի հանձնախումբը (ANCA) Արցախի հայերի դեմ Ադրբեջանի գործողություններն անվանել է էթնիկ զտումներ։
«Աղավնոյում, Բերձորում և Արցախի այլ շրջաններում Ադրբեջանի կողմից իրականացված էթնիկ զտումները հանդիսանում են Միջազգային քրեական դատարանի Հռոմի կանոնադրության 7-րդ հոդվածի 1(d) կետի բացահայտ խախտում, որն արգելում է «բնակչության արտաքսումը կամ բռնի տեղափոխումը», - ասված է ANCA-ի հայտարարության մեջ։
Ավելի վաղ հայտնի էր դարձել, որ Աղավնո, Բերձոր և Ներքին Սուս գյուղերը մինչև օգոստոսի 25-ը կփոխանցվեն Ադրբեջանին։