Բավ է պառակտվել
12-01-2023 17:58

Սա պայքար է ոչ միայն շրջափակման դեմ, այլ 120 հազար մարդու կյանքի ու իրավունքների համար. Արցախի պետնախարար

Արցախի պայքարը ոչ միայն շրջափակման դեմ, այլ 120 հազար մարդու կյանքի ու իրավունքների համար, ասել է Արցախի պետնախարար Ռուբեն Վարդանյանը։

«Արցախի համար երեք ճանապարհ կա․ կամ ենթարկվել ադրբեջանական օրենքներին եւ ապրել որպես Ադրբեջանի քաղաքացիներ կամ հեռանալ Լեռնային Ղարաբաղից կամ հաղթահարել այն մարտահրավերը, որը նետել է հակառակ կողմը, որը հայտարարել է, որ Լեռնային Ղարաբաղի բնակիչներն իրավունք չունեն ապրել իրենց հողում այնպես, ինչպես ցանկանում են Արցախի շրջափակման մեկ ամիսը» թեմայով Ստեփանակերտ-Երեւան հեռուստակամուրջի ժամանակ հայտարարեց Արցախի պետնախարար Ռուբեն Վարդանյանը։

Նա նշեց, որ պայքար է գնում «մեր իրավունքի համար՝ ապրելու մեր հողում մեր օրենքներով ու ավանդույթներով, մեր սեփական արժեքներով և չպետք է ենթարկվեն որևէ մեկի պայմաններին»։

«Համոզված եմ, որ մենք կարող ենք անել ամեն հնարավորը թե՛ Արցախի ներսում, թե՛ դրանից դուրս՝ օգտագործելով թե՛ դիվանագիտական, թե՛ տեղեկատվական մեթոդները»,- շեշտեց պետնախարարը։

Վարդանյանը հայտարարեց, որ խնդիրներ կան պարենամթերքի, դեղորայքի, կրթության, ինչպես նաև ենթակառուցվածքների, բաժանված ընտանիքների։ «Մարդիկ կան, որ մահացել են, բայց նրանց նույնիսկ չեն կարողանում հուղարկավորել»,- ասաց նա։

Երկխոսություն Բաքվի հետ

Ադրբեջանի հետ բանակցությունների վերաբերյալ Վարդանյանը հայտարարեց հետևյալը. «Մենք պատրաստ ենք Բաքվի հետ երկխոսության, բայց ոչ թե քայլ առ քայլ հանձնելու այն, ինչ կարելի է հանձնել, այլ այն պայմաններով, որոնց դեպքում հնարավոր է երկու հարևանների քննարկումը»։

Միաժամանակ նա մատնանշեց, որ, ցավոք, Ադրբեջանը հրաժարվում է երկխոսությունից, իրավիճակն իսկապես կարգավորելու բանակցություններ չկան։
«Մեր իրավիճակում մենք կողմ ենք երկխոսությանը այն թեմայի շուրջ, որը մենք համարում ենք կարևոր, այն է՝ քաղաքական, ոչ թե տեխնիկական... ինչպես առաջարկել է Ադրբեջանը»,- ասաց պետնախարարը։

Ռուսաստանի գործոնը

Պետնախարարը նշեց, որ մեծ ակնկալիքներ ունի, որ Ռուսաստանը ավելի ակտիվորեն կներգրավվի Արցախի ապաշրջափակման գործընթացում՝ ընդգծելով ռուս խաղաղապահների դերի կարևորությունը։

«Եթե ռուս խաղաղապահներն այստեղ չլինեին, մենք էլ այստեղ չէինք լինի: Ռուս խաղաղապահները թույլ չեն տալիս Ադրբեջանին իրականացնել իրենց ծրագրերը, նույնիսկ այդքան սահմանափակ կարողություններով և մանդատով: Եթե քննադատում եք խաղաղապահներին, ապա օգնում եք ադրբեջանցիներին, ովքեր երազում են, որ խաղաղապահները կհեռանան Արցախից, վերջ տվեք քննադատելուն»,- ասաց Վարդանյանը։

Նրա խոսքով, Ստեփանակերտն ամեն ինչ կանի, որպեսզի ռուս խաղաղապահները մնան մշտական ​​հիմունքներով, նրանց դերը հսկայական է։

Արցախի և Լաչինի միջանցքի շրջափակման մեկ ամիսը

Ադրբեջանի հերթական սադրանքի արդյունքում դեկտեմբերի 12-ի առավոտից Արցախի Հանրապետությունը գտնվում է շրջափակման մեջ, խախտվել են երկրի 120.000 բնակչության, այդ թվում՝ 30.000 երեխայի իրավունքները։

Ադրբեջանական կողմը, իբր «էկոլոգիական նկատառումներով», շարունակում է ամբողջությամբ փակ պահել Ստեփանակերտ-Գորիս միջպետական ​​մայրուղին, որը Արցախը Հայաստանի հետ կապող միակ ճանապարհն է։ Արդյունքում 1100 մարդ, այդ թվում՝ 270 երեխա, չեն կարողանում տուն վերադառնալ։

Դեկտեմբերի 13-16-ը Ադրբեջանը դադարեցրել էր գազի մատակարարումն Արցախ։ Ներկայումս հանրապետությունն ապրում է ռեսուրսների, սննդի, դեղորայքի և այլ կենսական նշանակության ապրանքների խնայողության ռեժիմով։

Արցախի շրջափակումը խնդիր է ոչ միայն հայ ժողովրդ, այլ ողջ քաղաքակիրթ աշխարհի խնդիրն է․ ԱԳ նախարար
Արցախի 120 հազարանոց բնակչությունը հումանիտար ճգնաժամի մեջ է Ադրբեջանի շրջափակման պատճառով. Հայաստանի ԱԳՆ
Խնդիրը չի կարող լուծվել սեփական բնօրրանում 120 հազար մարդու բնաջնջմամբ. Արցախի պետնախարարը՝ The Hill Times-ին
Ադրբեջանի կողմից շրջափակման պատճառով Արցախում ձեռնարկություններ են փակվում
«Կարտոֆիլը շքեղություն է». CNN-ը պատմում է, թե ինչպես են սպառվում կենսական պաշարները՝ ադրբեջանցի «էկոակտիվիստների» Արցախը շրջափակելու պատճառով