Հայաստանի արտաքին գործերի նախարար Զոհրաբ Մնացականյանը սեպտեմբերի 17-ին հանդիպել է արցախյան իր գործընկեր Մասիս Մաիլյանի հետ։ Ինչպես տեղեկացնում է Հայաստանաի ԱԳՆ մամլո ծառայությունը, նախարարների հանդիպումը կայացել է նախ փակ ձևաչափով, այնուհետ շարունակվել ընդլայնված կազմով՝ պատվիրակությունների մասնակցությամբ։
Զրուցակիցները գոհունակությամբ են նշել երկկողմ հանդիպումներ հաճախակի և առարկայական բնույթը, ինչը հնարավորություն է ընձեռնում մանրակրկիտ քննարկել օրակարգային բազմաթիվ խնդիրներ։
Կողմերն ընդգծել են երկու երկրների արտաքին քաղաքական գերատեսչությունների միջև պարբերական ոլորտային խորհրդակցությունների անցկացման կարևորությունը։
“Հայաստանի և Արցախի արտաքին քաղաքական գերատեսչությունների ղեկավարները մտքեր են փոխանակել ԵԱՀԿ Մինսկի խմբի համանախագահության ձևաչափում Լեռնային Ղարաբաղի հիմնախնդրի խաղաղ հանգուցալուծման գործընթացին առնչվող մի շարք հարցերի վերաբերյալ”,-ասվում է հաղորդակցության մեջ։
Մայիլյանը Զոհրաբյանին պարգևատրել է Արցախի արտաքին գործերի հիմնադրման 25-ամյակին նվիրված հուշամեդալով։