Հիմնական ամսաթվեր
27-ը սեպտեմբերի, 2020թ․ - Ադրբեջանի զինված ուժերը հարձակվեցին Արցախի Հանրապետության վրա, նույն օրը Հայաստանում և Արցախում հայտարարվեց ռազմական դրություն: Ադրբեջանը ներգրավեց վարձկան ահաբեկիչներին և օգտագործեց հրետանի, ծանր զենք, ֆոսֆորային զինամթերք և միջազգային կոնվենցիաներով արգելված այլ զենքեր:
9-ը նոյեմբերի, 2020թ․ - Հայաստանի վարչապետ Նիկոլ Փաշինյանը, Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը ստորագրեցին փաստաթուղթ Արցախում ռազմական գործողությունների դադարեցման վերաբերյալ:
11-ը հունվարի, 2021 թ․ - Ռուսաստանի, Հայաստանի և Ադրբեջանի ղեկավարները ստորագրեցին նոր համատեղ հայտարարություն՝ ուղղված տարածաշրջանի զարգացմանը և հաղորդակցությունների ապաշրջափակմանը: Այս հայտարարությունը բխում է 2020 թվականի նոյեմբերի 9 -ի փաստաթղթից:
Տարածքային կորուստներ
Պատերազմի արդյունքում հայկական կողմը կորցրեց Արցախի տարածքի 72,3 տոկոսը (աղբյուր՝ Кавказский узел”)։
Զոհվածներ, վիրավորվածներ, գերիներ
44-օրյա պատերազմի ընթացքում զոհվել է 3777 հայ (3702 զինծառայող, 75 քաղաքացիական անձ), 243 մարդ համարվում է անհետ կորած (թվերը հրապարակել է վարչապետ Փաշինյանը 2021 թվականի օգոստոսի 26-ին, թարմացված տվյալները չեն հաղորդվում):
2020 թվականի նոյեմբերի 13-ից մինչև 2021 թվականի սեպտեմբերի 23-ը Ադրբեջանի վերահսկողության տակ անցած Արցախի օկուպացված տարածքներում հայտնաբերվել է 1666 զոհվածի մարմին (Արցախի ներքին գործերի նախարարության արտակարգ իրավիճակների պետական ծառայության տվյալներ):
Զինխառայողների ապահովագրության հիմնադրամը զեկուցել է հաշմանդամություն ստացած զինծառայողների և 44-օրյա պատերազմում զոհվածների ընտանիքի անդամների թվից 4023 շահառուի մասին։ Նրանց վճարվում է դրամական փոխհատուցում:
2021 թվականի սեպտեմբերի 7-ի դրությամբ Ադրբեջանից հայրենիք է հաձողվել վերդարձնել 104 գերեվարված հայրենակից: Հայաստանի իշխանությունները չեն հայտնում Ադրբեջանում գերության մեջ գտնվող հայերի ճշգրիտ թիվը՝ պետական գաղտնիք լինելու հիմնավորմամբ։ Հայաստանի ԱԳՆ-ն հայտարարել է 188 հոգու մասին, ՄԻԵԴ հարցում է ներկայացվել ադրբեջանական գերության մեջ գտնվող 228 հայի վերաբերյալ: