Բավ է պառակտվել
17-12-2022 18:42

Արցախի պետնախարարը կոչ է արել առավելագույն կազմակերպվածություն ցուցաբերել Ադրբեջանի կողմից շրջափակման պայմաններում

Արցախի պետ​​նախարար, օպերատիվ շտաբի պետ Ռուբեն Վարդանյանը շաբաթ օրը հրավիրել է ընդլայնված կազմով խորհրդակցություն՝ օպերատիվ շտաբի անդամների մասնակցությամբ։

Պետնախարարը նշել է, որ չնայած գազամատակարարման վերականգնմանը, Ադրբեջանը շարունակում է փակ պահել Հայաստանը Արցախի հետ կապող միակ ճանապարհը։

«Սա նշանակում է, որ մենք շարունակում ենք գտնվել շրջափակման մեջ ու պետք է սովորենք այս իրավիճակում առանց խուճապի ապրել։ Դրա համար, չեմ դադարում ասել, մենք պետք է լինենք առավելագույնս կազմակերպված ու կարգապահ։ Այս առիթը պետք է օգտագործել հանրային համերաշխության, իրար սատար կանգնելու համար: Սա նաև լավ հնարավորություն է, որպեսզի զգանք թե ինչ հնարավորություն ունենք համակարգային մոտեցումների ներդրման շնորհիվ բացթողումները շտկելու համար», - ընդգծել է Վարդանյանը:

Պետնախարարը կարևորել է բնակչության առաջնահերթ կարիքներին օպերատիվ արձագանքելու անհրաժեշտությունը։

Քննարկվել է պարենային ապրանքների և դեղորայքի շուկաներում ներկա իրավիճակը։ Վարդանյանը իրավասու մարմիններին հանձնարարել է շարունակել շուկայի դիտարկումները և արձագանքել անհիմն գնաճի դրսևորումներին։

Ներկայացվել է նաև Արցախում դրամաշրջանառության և մասնավորապես,կանխիկ գումարի ծավալի հետ կապված իրավիճակը։ Այս համատեքստում կարևորվել է անկանխիկ գործարքների ակտիվացման անհրաժեշտությունը։ Պետնախարարը հանձնարարել է պատասխանատուներին ուշադիր ուսումնասիրել խնդիրը և լուծումներ առաջարկել։

Խորհրդակցությանը ներկայացվել է էլեկտրաէներգիայի մատակարարումների ներկա վիճակը և էներգահամակարգի բնականոն գործունեությանն ուղղված գործողությունները։ Հանդիպման մյուս մասնակիցները նույնպես զեկուցել են իրենց պատասխանատվության ոլորտներում առկա իրավիճակի մասին։

Արցախի պետնախարարը՝ Ադրբեջանի շրջափակման. օդային միջանցքի անհրաժեշտության և խաղաղության ճանապարհի որոնման մասին
Ադրբեջանի կողմից շրջափակման պատճառով Արցախում ձեռնարկություններ են փակվում
Ադրբեջանի կողմից Լաչինի միջանցքի շրջափակումը նպատակ ունի Արցախում հումանիտար ճգնաժամ ստեղծել
Արցախի ԱԺ կոչը՝ Ադրբեջանի բնիկ ժողովուրդներին
Արցախի արտգործնախարարը ԵԽ գլխավոր քարտուղարին կոչ է արել պատժամիջոցներ կիրառել Ադրբեջանի դեմ