բավ է պառակտվել
24-09-2020 13:16

Ինչ տեսանյութ է պահում Արկադի Ղուկասյանը Սամվել Բաբայանի դեմ

«Արցախի անվտանգության խորհրդի քարտուղար Սամվել Բաբայանը 2000 թվականին ԱՀ նախագահ Արկադի Ղուկասյանի դեմ իրականացված մահափորձի գործով արդարացման գործընթաց է սկսել:

«Հրապարակ» թերթը գրում է, որ  Արցախի դատախազությունում, Բաբայանի դիմումի համաձայն, օգոստոսին քրեական գործ է հարուցվել՝ պաշտոնեական լիազորություններն անցնելը՝ զուգորդված բռնության գործադրմամբ եւ հետաքննություն կատարող անձի կողմից ցուցմունք տալուն հարկադրելը, որն ուղեկցվել է ծաղրուծանակով, խոշտանգմամբ։

Այսինքն, Բաբայանը փորձելու է ապացուցել, որ 20 տարի առաջ իր դեմ գործ են սարքել, իրեն ու վկաներին ճնշումներով պարտադրել են ցուցմունք տալ։

Թերթի տեղեկություններով, Արկադի Ղուկասյանը խնամքով պահում է այն տեսագրությունը, որն արվել է Բաբայանի կալանքից անմիջապես հետո, եւ որտեղ նա գրեթե ինքնախոստովանական ցուցմունք է տվել՝ չհրաժարվելով կատարվածի համար պատասխանատվությունից։

Փորձեցինք Ղուկասյանի մեկնաբանությունը լսել Բաբայանի դիմումի վերաբերյալ, սակայն ԱՀ նախկին նախագահն ասաց, թե հեռախոսով հարցազրույց չի տալիս։ Հնչեցրինք տեսանյութի մասին մեր հարցը, կրկնեց նույն ֆրազը, ապա ավելացրեց՝ երբ իրեն պետք լինի, կխոսի այս գործընթացի մասին։

Հրապարակի  տեղեկություններով, նա շատ ծանր է տանում Բաբայանի նշանակումն ու գործի վերաբացումը եւ դրանում մեղադրում է Արցախի նախագահ Արայիկ Հարությունյանին։ Վերջինիս եւ նրա շրջապատի հետ Ղուկասյանը սկզբունքորեն չի շփվում»:

Տեսանյութեր առաջնագծից (02.10.2020, թարմացվող)
Արցախի 4-րդ նախագահ ընտրվեց Արայիկ Հարությունյանը
Ադրբեջանի բնակչությանը կոչ եմ անում լքել քաղաքները, որտեղ կան զինվորական օբյեկտներ - Արայիկ Հարությունյան
Արցախի նորընտիր նախագահը խոստացել է անել առավելագույնը ընտրողների հույսերն արդարացնելու համար
Վիտալի Բալասանյանը առաջադրվել է Արցախի նախագահի թեկնածու (Տեսանյութ)