Հանրապետության Ազգային ժողովի պատգամավոր Ժան-Միշել Միսն, ով հոկտեմբերի 25-27-ը Ֆրանսիա-Հայաստան միջխորհրդարանական բարեկամության խմբի այլ անդամների հետ այցելել էր Հայաստան և Լեռնային Ղարաբաղ, բացատրել է, որ Արցախի Հանրապետության (Ղարաբաղի) ճանաչման մասին բանաձևերը չեն ենթադրում Ֆրանսիայի կառավարության կողմից ավտոմատ գործողություններ:
Նույնիսկ եթե բանաձևն ընդունվի, կառավարությունն իրավունք ունի բանաձևի նախագիծն անընդունելի ճանաչել (այսինքն՝ վետո դնել), եթե այն կառավարությանը պարտավորեցնում է անիրագործելի գործողություններ ձեռնարկել:
Համաձայն սահմանված կարգի՝ Խորհրդարանի նախագահը բանաձևի նախագիծը ներկայացրել է վարչապետին, ով պետք է որոշի՝ արդյո՞ք կառավարությունն ի վիճակի է կատարել բանաձևի դրույթները: Կառավարությունից բացասական պատասխան չի եղել:
Ղարաբաղի ճանաչման վերաբերյալ բանաձևերը դիտարկվում են Ֆրանսիայի խորհրդարանի և վերին և ստորին պալատներում․ Սենատում այն կքննարկի նոյեմբերի 25-ին, իսկ Ազգային ժողովում ` դեկտեմբերի 3-ին:
«Մենք խնդիր չենք դնում հակասության մեջ մտնել ազգային օրենսդրության կամ ֆրանսիական դիվանագիտության հետ, որը տեսնում է խնդրի լուծումը ԵԱՀԿ Մինսկի խմբի միջնորդությամբ: Մեր նպատակն է աջակցել Արցախի ժողովրդին», - շեշտել է նա:
Մեկ այլ հարց, որին պատգամավորները պատրաստ են աջակցել, Ֆրանսիայի կառավարությունից մարդասիրական օգնություն ուղարկելն է Ղարաբաղ, հավելել է Միսը: Նա հիշեցրել է, որ ոչ պաշտոնական մակարդակով Ֆրանսիայի աջակցությունն արդեն գալիս է. մեկ ամսվա ընթացքում տարբեր կազմակերպություններից բժշկական սարքավորումներով վեց բեռնատար ինքնաթիռ է ժամանել Երևան, իսկ հոկտեմբերի կեսերին մի խումբ ֆրանսիացի բժիշկ կամավորներ ժամանել էին Երևան և մի քանի օր անցկացրել Ղարաբաղում: