Ստեփանակերտի «Վալեքս» հյուրանոցի բակում տեղադրված տոնական վրաններն ու տոնածառն ապամոնտաժվում են: Հիշեցնենք, որ ՀՀ վարչապետի տիկին Աննա Հակոբյանը որոշել է դեկտեմբերի 26-27-ը Արցախի երեխաների համար կազմակերպել ամանորյա ներկայացումներ եւ իր հիմնադրամից նախատեսել է 4750 նվեր:
Այս նախաձեռնությունը, սակայն, սուր արձագանք է առաջացրել։ Կազմակերպիչները դեռ չեն մեկնաբանում տոնածառի ապամոնտաժումը։
Իրինա Սաֆարյանը - Ամանորի միջոցառման հակառակորդներից մեկը, իր ֆեյսբուքյան էջում հորդորեց չմասնակցել դրան: Նա նաև խորհուրդ տվեց հավաքվել վրանների տեղադրման վայրում (Ստեփանակերտի «Վալլեքս» հյուրանոց - խմբ.) Եվ հայտնել իրենց դժգոհությունը:
Այր ու կին որոշել են ծաղրել բոլորիս: Եռաբլուրը սրբապղծեցին հիմա էլ անցնում են Արցախի հայկական մասում մնացած երեխաների առանց այն էլ ոչ ամանորյա օրը պղծելուն (ամսի 26-27ին)։ Եթե Տեղ գյուղից այն կողմ Ադրբեջան է, ապա ի՞նչ գործ ունես այստեղ աննա հակոբյան:
Կարո՞ղ է պատահական գաս հիմա էլ Մեհրիբանին Ստեփանակերտ թեյախմության հրավիրես `երեխաների համար կազմակերպվող տոնակատարության պատռվակի տակ
Բոյկոտել է պետք այս ամենը։ Տեղ գյուղից այս կողմ ոտդ անգամ չփորձես դնել:
Եթե եռաբլրում հաջողվեց մանկլավիկներով շրջապատված անել ձեր սև առաջադրանքը, ապա այստեղ չեք հաջողի: Գրել է Իրինան:
Sputnik Արմենիայի թղթակցի հետ զրույցում Ստեփանակերտի փոխքաղաքապետ Սուրեն Թամրազյանն ասաց, որ վրաններն ու տոնածառը ապամոնտաժվել են, քանի որ քաղաքացիները դեմ են այս իրադարձությանը: Նա նշեց, որ մի խումբ մարդիկ հավաքվել են տեղում և պահանջում են չեղարկել միջոցառումը: Թամրազյանը նաև շեշտեց, որ քաղաքի իշխանությունները չեն կազմակերպել այս միջոցառումը և չգիտեն, թե ով է նախաձեռնողը:
Հարցին, թե քաղաքապետարանի որոշումը կապվա՞ծ է այն բանի հետ, որ Աննա Հակոբյանը պետք է ներկա գտնվի միջոցառմանը, նա ասաց. «Ես չգիտեմ, թե ով պետք է ներկա լիներ»: