Արցախի ԱԳՆ-ն տեղեկացրել է, որ հունիսի 4-ին ԵԱՀԿ առաքելությունը կանցակցնի հրադադարի ռեժիմի պլանային դիտարկում Արցախի և Ադրբեջանի զինված ուժերի շփման գծում։
Ինչպես նշվել է հայտարարությունում, համաձայն Արցախի Հանրապետության հետ ձեռք բերված պայմանավորվածության, մոնիթորինգը կիրականացվի Մարտունի քաղաքից հարավ-արևելք ընկած հատվածում։
“Արցախի Հանրապետության իշխանությունները պատրաստակամություն են հայտնել աջակցել դիտարկման անցկացմանը և ապահովել ԵԱՀԿ առաքելության անդամների անվտանգությունը”,- նշվել է հայտարարությունում։
Արցախի Հանրապետության պաշտպանության բանակի դիրքերից դիտարկումն իրականացնելու են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնական Միխայիլ Օլարուն (Մոլդովա) և ԳՆԱՆ գրասենյակի աշխատակից Մարտին Շուստերը (Գերմանիա):
Շփման գծի հակառակ կողմից դիտարկումն իրականացնելու են ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկը, նրա դաշտային օգնական Օգնեն Յովիչը (Բոսնիա և Հերցեգովինա) և անձնական օգնական Սայմոն Թիլերը (Մեծ Բրիտանիա):