Հայաստանի Անվտանգության խորհրդի քարտուղար Արմեն Գրիգորյանը չորեքշաբթի տեղեկացրել է, որ քննարկվում է 2020 թվականին Կապանից Հադորութ տանող ճանապարհի շինարարությունը։
Նա տեղեկացրել է, որ իր արցախյան այցի ժամանակ հանդիպում է ունեցել ԱԽ նորանշանակ քարտուղար Արշավիր Ղարամյանի հետ, որի ընթացքում քննարկվել են ռազմավարական ենթակառուցվածքներում ներդրումային ծրագրերն՝ Արցախի անվտանգության մակարդակը բարձրացնելու և զարգացման համար տնտեսական հնարավորությունները ստեղծելու նպատակով։
“Արցախի տնտեսական զարգացումը և անվտանգությունը փոխկապակցված են։ Հարկավոր է այնպես անել, որ ռազմավարական ենթակառուցվածքներում ներդրումները լինեն արդյունավետ ինչպես տնտեսական զարգացման, այնպես էլ՝ անվտանգության տեսանկյունից”, - ասել է նա։
Գրիգորյանը հույս է հայտնել, որ տարեվերջին քննարկումները կավարտվեն, և պատրաստ կլինի շինարարության ճանապարհային քարտեզը։
“Կարող եմ ասել, որ Հայաստանում ռեսուրսների պակաս չկա, կա ներուժի պակաս նախագծերի իրագործման համար։ Օրինակ՝ մինչև 2020 թվականի հոկտեմբեր բոլոր հենակետերում կանցկացվի ջրամատակարարում”,-ասել է նա։