Բավ է պառակտվել
12-04-2021 10:37

Արցախյան գյուղի կրակակոծում գնդացրից․ ՆԳՆ-ն կփոխանցի նյութերը ռուս խաղաղապահներին

Ղարաբաղի Ներքին գործերի նախարարությունը ուժեղացրել է Շոշ-Սարուշեն-Կարմիր Շուկա մայրուղում տեղակայված հենակետերում ծառայության ռեժիմը։

Ղարաբաղի իրավապահ մարմինների աշխատակիցներն նյութեր են նախապատրաստել Սարուշեն գյուղում միջադեպի վերաբերյալ ռուս խաղաղապահ զորակազմին փոխանցելու համար։ Այս մասին երկուշաբթի հայտնել է Ղարաբաղի ՆԳՆ մամլո ծառայությունը։

Նշվում է, որ միջադեպը տեղի է ունեցել ապրիլի 7-ին, առավոտյան ժամը 9։40-ին։ Ադրբեջանի կողմից օկուպացված Սարգսաշեն գյուղի տարածքից ադրբեջանցիները կրակել էին Սարուշեն գյուղի դաշտերում գյուղատնտեսական աշխատանքներ կատարող Սարուշեն համայնքի բնակիչներ՝ 65-ամյա Շիրին Ադամի Սարգսյանի և 36-ամյա Վիտալի Ալյոշայի Հարությունյանի ուղղությամբ:

Ադրբեջանցիները կիրառել են գնդացիր, ինչի հետևանքով ջարդվել է Հարությունյանին պատկանող տրակտորի ձախ կողմի ապակին: Սարգսյանը և Հարությունյանն արդեն բացատրություն են տվել ոստիկանությունում։
ԱՀ ՆԳ նախարար Կարեն Սարգսյանի հրամանով Շոշ-Սարուշեն-Կարմիր Շուկա ներպետական մայրուղում տեղակայված ոստիկանական հենակետերում ծառայությունը կշարունակվի ուժեղացված ռեժիմով: Շուրջօրյա դիտարկումներ կատարելու նպատակով, ըստ անհրաժեշտության կավելացվեն հենակետերը:

Հիշեցնենք, որ ավելի վաղ Սարուշենի համայնքապետ Կարեն Գասպարյանը հայտնել էր միջադեպի որոշ մանրամասներ, նշելով, որ բնակչության շրջանում խուճապ չկա, գյուղատնտեսական աշխատանքները շարունակվում են։

«Հիվանդ մորը նայում են, ոչ թե թողում ու հեռանում» Աղավնոյի բնակիչ
Հակառակորդը «Սմերչ» տիպի համազարկային կրակի ռեակտիվ համակարգից 1 հրթիռ է արձակել Զարդարաշեն գյուղի ուղղությամբ
Առաջնագծում իրավիճակ թելադրողը Հայաստանի ու Արցախի զինված ուժերն են․ՊՆ փոխնախարար
Հակառակորդը հայ դիրքապահների ուղղությամբ արձակել է ավելի քան 3200 կրակոց
Հադրութի շրջանի երկու գյուղ՝ Խանձաձորը և Հին թաղերը մնացել են Արցախի բանակի հսկողության ներքո. Վահան Սավադյան