Ստեփանակերտում հայտարարում են Ադրբեջանի կողմից միջազգային իրավունքի խախտման մասին, որի իշխանություններն, ըստ առկա տեղեկությունների, պարտադրում են իրենց փախստականներին տեղափոխվել Ադրբեջանի կողմից զավթած Արցախի տարածքներ։ Այս մասին ուրբաթ օրը լրագրողների հետ հանդիպման ժամանակ ասաց Արցախի պետական նախարար Արտակ Բեգլարյանը։
«Մեր տեղեկություններով՝ Շուշիում ոչ քաղաքացիական ադրբեջանցի բնակչություն չկա, կան միայն զինվորականներ և շինարարներ։ Սակայն լրատվամիջոցներից և այլ աղբյուրներից ազդանշաններ են ստացվում, որ ադրբեջանական կողմը ճնշում է գործադրում իր փախստականների նկատմամբ, մասնավորապես, սպառնում է դադարեցնել սոցիալական աջակցության պետական ծրագրերը Շուշիում և այլ տարածքներում հաստատվելուց հրաժարվելու դեպքում»,- ասել է Բեգլարյանը։
Նա ընդգծել է, որ այս իրավիճակն ինքնին անհանգստություն է առաջացնում և հրավիրել է միջազգային հանրության ուշադրությունը, քանի որ սա միջազգային իրավունքի կոպիտ խախտում է։
2020 թվականի աշնանը Թուրքիայի աջակցությամբ Ադրբեջանի կողմից Արցախում սանձազերծված 44-օրյա պատերազմի արդյունքում Շուշի քաղաքը, Արցախի Աղդամի, Քարվաճառի և Լաչինի շրջանները՝ բացառությամբ Ղարաբաղը Հայաստանի հետ կապող 5 կմ երկարությամբ միջանցքի, անցան ադրբեջանական կողմի վերահսկողության տակ։