Բա՛վ է պառակտվել
11-10-2019 13:26

Որևէ մեկը լիազորված չէ խոսել Արցախի փոխարեն․Շավարշ Քոչարյան


Արցախի ժողովուրդն անթերի է իրացրել իր ինքնորոշման իրավունքը, իրավունք, որին չի կարելի հակադրել որևէ միջազգային իրավունքի սկզբունք՝ ներառյալ տարածքային ամբողջականությանը, Ստեփանակերտում ընթացող Արցախի բարեկամների համաժողովի ժամանակ ասաց ՀՀ փոխարտգործնախարար Շավարշ Քոչարյանը: «Մեր բոլորի պարտքն է սատարել և առաջնորդվել Արցախի ժողովրդի կողմից հստակ արտահայտված ինքնորոշման իրավունքով» - ասաց Քոչարյանը։

Փոխարտգործնախարարը անդրադարձել է նաև բանակցային գործընթացին ասել, որ 1994թ-ից կա մի փաստաթուղթ որով այն ժամանակ Ադրբեջանի նախագահ Հեյդար Ալիևը լիազորել է իրենց խորհրդարանի փոխխոսնակին ԼՂՀ համապատասխան պաշտոնյայի հետ հանդիպել և նախապատրաստել երկու երկրների առաջին դեմքերի հանդիպումը։
«Ի՞նչն է էական այդ փաստաթղթում. այն ռուսերենով է կազմված, և երբ խոսքը գնում է Արցախի մասին, օգտագործվել է «НКР» հապավումը, որը նշանակում է Լեռնային Ղարաբաղի Հանրապետություն։ Դրա տակ Հեյդար Ալիևի ստորագրությունն է։ Այսինքն՝ մենք կարող ենք արձանագրել, որ առնվազն Ադրբեջանն ընդունել է Արցախը՝ որպես հակամարտության կողմ, տարբեր մակարդակներով բանակցել նրա հետ», - հիշեցրեց ՀՀ փոխարտգործնախարարը։
Շավարշ Քոչարյանն ասում է,որ քանի դեռ Ադրբեջանը խուսափում է Արցախի հետ ուղիղ բանակցություններից, ավելին՝ ձևացնում, որ այդպիսի սուբյեկտ չկա, ուրեմն որևէ առաջընթաց բանակցություններում չի ցանկանում։
«Այսինքն՝ մենք կարող ենք արձանագրել, որ առնվազն Ադրբեջանն ընդունել է Արցախը որպես հակամարտության կողմ, նրա հետ բանակցել է, և դրա շնորհիվ է՝ մենք ունեցանք այն արդյունքը, որը ժողովուրդները իրենց մաշկի վրա զգացել են:»,-ասաց նա:

Փոխարտգործնախարարը շեշետում է, որ առանց Արցախի բանակցությունների որևէ առաջընթաց անհնարին է, քանի որ որևէ մեկը լիազորված չէ խոսել Արցախի փոխարեն։
«Իրականում Ադրբեջանը ձևացնում է, թե բանակցում է, և բանակցությունների քողի տակ իրականացնում է քարոզչական պատերազմ՝ ապացուցելու միջազգային հանրությանը, որ իրականում այստեղ ոչ թե ինքնորոշման իրավունք է, այլ ընդամենը՝ տարածքային վեճ Հայաստանի և Ադրբեջանի միջև», - շեշտեց բանախոսը։
Այսպիսով՝ ըստ ՀՀ ԱԳ փոխնախարարի` ինքնորոշման իրավունքը վերածվեց այդպիսի արյունալի հակամարտության, որովհետև Ադրբեջանը չի ցանկանում առաջընթաց, չի ցանկանում բանակցել և փորձում է ուժով հարցերը լուծել:
«Մի կողմից հայկական կողմն ասում է ինքնորոշում, մյուս կողմից Ադրբեջանն ասում է տարածքային ամբողջականություն, արձանագրենք, որ միջազգային իրավունքը թույլ չի տալիս հակադրել տարածքային ամբողջականությունը ինքնորոշման իրավունքի դեմ»,-ասաց նա:

Շավարշ Քոչարյանը հիշեցրեց, որ ի պատասխան Արցախի ժողովրդի ինքնորոշման իրավունքի՝ Ադրբեջանի կողմից տեղի ունեցան բարբարոսական գործողություններ՝ Սումգայիթի, Բաքվի ջարդեր, քնած հայ սպայի կացնահարում, Ապրիլյան պատերազմում։

 

Արմինե Գևորգյան

Արցախի զինված ուժերից ոչ մի զինվոր մարտի 1 –ին Հայաստան չի մտել.Քոչարյանի փաստաբան
ՀՀ դիրքերը ՀԱՊԿ-ում ամուր են. ՀՀ փոխարտգործնախարար Շավարշ Քոչարյան
Քոչարյանի առողջողջության, դատավորների գլխացավանքի ու արցախյան հիմնախնդրի մասին
«Ուժի լեզվով երբևէ չհամարձակվեք խոսել մեզ հետ» Արցախի նախագահը Ադրբեջանի նախագահին
Քաղաքական առևտուր չի եղել․ԱԳՆ Մասիս Մայիլյան, ԱԱԽՔ Սամվել Բաբայան