Հունվարի 26-ին ժամը 15:00-ից Ստեփանակերտի բնակչության գազամատակարարումը կվերականգնվի, հայտնում են Արցախի տեղեկատվական շտաբից։
«Սակայն, հաշվի առնելով մասնակի գազամատակարարման հանգամանքը, շրջանների գազի մատակարարումը նույն ժամին կդադարեցվի: Նման որոշումը պայմանավորված է էներգետիկ համակարգի մեծ ծանրաբեռնվածությամբ»,- ասված է հաղորդագրությունում։
Ստեփանակերտի գազալցակայանները կշարունակեն աշխատանքը, որը վերսկսվել էր նախորդ գիշեր՝ պայմանավորված հանրապետության գազամատակարարման մասնակի վերականգնումով։