Բավ է պառակտվել
29-05-2020 12:38

Քաղաքական առևտուր չի եղել․ԱԳՆ Մասիս Մայիլյան, ԱԱԽՔ Սամվել Բաբայան

Արցախի նորընտիր նախագահ Արայիկ Հարությունյանը Մասիս Մայիլյանին նշանակել է Արցախի ԱԳ նախարար։

Այս մասին հայտնեց ուղիղ եթերում։
«Ես երկար եմ մտածել այդ ուղղությամբ: Ես համագործակցության կոչն արել եմ, նա ընդունել է: Ուղղակի մենք մտածում էինք համագործակցության տարբեր ձևաչափերի մասին՝ հաշվի առնելով Մայիլյանի ստացած ձայների քանակը նախագահական ընտրություններում: Խնդրում եմ սա չհամարել քաղաքական առևտուր: Մենք քաղաքական առևտուր չենք արել, այլ համաձայնել ենք միասին ստանձնել պատասխանատվությունը»,- հավելեց նա։

Հիշեցնենք, որ նախագահական ընտրություններում երկրորդ փուլում նախագահի աթոռի համար պայքարում էին Մասիս Մայիլյանը և Արայիկ Հարությանը։ Մասիս Մայիլյանը իր ընտրողներին կոչ էր արել չգնալ ու չմասակցել ընտրություններին հաշվի առնելով կորոնավիրուսի տարածման վտանգը։
Արցախի արտաքին գործերի նախարարը նաև ընդգծել էր, որ մարտի 31-ին կայացած համապետական ընտրությունները շատ հեռու էին նոր պայմաններում արցախյան հանրության ակնկալած ընտրական զարգացումներից, և ինքը պարզապես ի գիտություն է ընդունում քվեարկությունից հետո Արցախի կենտրոնական ընտրական հանձնաժողովի (ԿԸՀ) հրապարակած տվյալները։

Արայիկ Հարությունյանը հայտնեց նաև, որ Սամվել Բաբայանը նշանակվել է Արցախի Անվտանգության խորհրդի քարտուղար:
Նորաստեղծ նախարարության՝ Ռազմահայրենասիրության, երիտասարդության ու սպորտի նախարար նշանակվեց ԱՀ ԱԱԾ տնօրեն Սամվել Շահրամանյանը:
Կամո Աղաջանյանը նշանակվել է Արցախի Հանրապետության ԱԱԾ տնօրենի պաշտոնում:

 

 

Արմինե Գևորգյան

Արցախի նախագահ Արայիկ Հարությունյանի գաղտնի այց-ը ՌԴ
Արցախի ԱԽ քարտուղար Սամվել Բաբայանի հնչեցրած մտքերը նոր կրքեր են բորբոքել
Հպարտ եմ, որ մեր ազգի հերոսները համախմբված ու միասնական կերպով իրենց վճռական խոսքը կրկին պիտի ասեն
Արցախի նախագահ Արայիկ Հարությունյանը նկարահանել է Հադրութից (տեսանյութ)
Սամվել Բաբայանը եկավ Կառավարություն