Հայաստանի գլխավոր շտաբի պետ Արտակ Դավթյանն ասաց, որ հետաքննություն է ընթանում Արցախյան երկրորդ պատերազմի ժամանակ Շուշին և Հադրութը հանձնելու հանգամանքները պարզելու համար։
Նա նշեց, որ պաշտպանության նախարարի հրամանով ստեղծվել է հանձնաժողով, որն ակտիվորեն աշխատում է
Արցախյան պատերազմի ընթացքում ռազմական գործողությունների զարգացումը հետաքննելու, բացթողումները հայտնաբերելու ուղղությամբ:
Խոսելով այն մասին, թե արդյո՞ք կտրվեն Շուշին և Հադրութը այդքան հեշտությամբ հանձնելու հարցերի պատասխանները, նա նշեց, որ դեռ դժվար է պատասխանել, քանի որ հետաքննությունը շարունակվում է:
«Չեմ կարող ասել, հեշտ է, թե ոչ, բայց մենք հետաքննություն ենք վարում և չեմ կարծում, որ կարճ ժամանակում կկարողանանք վերջնական պատասխաններ տալ, քանի որ յուրաքանչյուր դեպքի հետևում կենդանի մարդիկ են՝ զինծառայողներ, որոնք կամ պետք է պատասխանատվություն կրեն, կամ չպետք է լինեն անհիմն մեղադրանքներ։ Մեր խնդիրը ոչ թե որևէ մեկին մեղադրելն է, այլ առաջին հերթին դասեր քաղելը` բացթողումներն ու թերությունները կամ դրական կողմերը հասկանալու և եզրակացություններ անելու համար, որոնք դեռևս չկան», - ասաց Դավթյանը: