Բավ է պառակտվել
09-02-2021 11:21

Կարմիր Շուկա-Շոշ ճանապարհն Ադրբեջանին որևէ ձևով վերահսկողության հանձնելու հարց չի քննարկվում․ Արցախի ՆԳՆ խոսնակ

Կարմիր Շուկա-Շոշ ճանապարհն Ադրբեջանին որևէ ձևով վերահսկողության հանձնելու հարց չի քննարկվում: Ասում է փոխանցում է Արցախի ՆԳ նախարարի մամուլի խոսնակ Հունան Թադևոսյանը։
«Այս պահի դրությամբ պետական մակարդակով նման որոշում չկա։ Շոշը Կարմիր Շուկա-Մարտունի մայրուղու մի հատվածն է։ Այս պահին Շոշում լայն թափով շինարարական աշխատանքներ են ընթանում։ Կառուցվում են բնակարաններ, վերանորոգվում են ավերված բնակարանները, և տեղահանված արցախցիները,
Հունան Թադևոսյանը հերքում է նաև հրապարակումները, թե Հադրութում ադրբեջանական զինծառայողները մեծաթիվ տներ են վառում, քանի որ, ըստ որոշ լուրերի, Հադրութի տարածքում առաջիկայում տեղակայվելու են ռուս խաղաղապահները։
«Մեր փրկարարական ջոկատները գրեթե ամեն օր անցնում են Հադրութով, գնում են Ջաբրայիլ, Ֆիզուլի, և որևէ մեկը նման բան չի տեսել։ Տներ այրվել են պատերազմի ընթացքում, բայց այս պահին նման տեղեկություններ չկան։

Արցախի նորաստեղծ ներքին գործերի նախարարությունը ներկայում համակարգում է ոստիկանության և արտակարգ իրավիճակների նախարարության աշխատանքները։ Պատերազմի առաջին իսկ օրվանից Արցախի փրկարարները աշխատել են գերծանարաբեռնված, հիմա էլ նրանց աշխատանքում ոչինչ չի փոխվել։ Որոնողափրկարական աշխատանքները կատարվում են ամեն օր՝ բացառությամբ այն օրերի, երբ Ադրբեջանը թույլ չի տալիս։

«Դա կապված է լինում հիմնականում հրադադարի ռեժիմի խախտման հետ։ Երկու անգամ եղել են ադրբեջանական կողմից հրադադարի ռեժիմի խախտումներ՝ մեկը Շուշի Ալիևների այցի ժամանակ, մյուսը, երբ Ֆիզուլիում օդանավակայանի շինարարություն էր իրականացվում։
Այս ողջ ընթացքում ամենամեծ թվով աճյունները դուրս են բերվել Շուշիից , ֆիզուլիի ու Ջաբրայիլի շրջաններից։ Մինչ այս պահը հայտնաբերվել է 1357 աճյուն, որից 15-ը, նախնական տվյալներով, քաղաքացիական անձանց մարմիններ են: Զրուցակիցս ինքն էլ մի քանի անգամ մասնակցել է որոնողափրկարարական աշխատանքներին։

«Դժվար է հոգեբանական առումով մի կողմից լինել քո հայրենիքում, բայց հյուրի կարգավիճակում, երբ քեզ թելադրում են, թե ինչ պետք է անես այնտեղ։ Մյուս կողմից էլ մեր զինծառայողների աճյուններն ենք հանում։ Դա ամենամեծ ցավն է բոլորի համար»։

Արցախի ներքին գործերի նախարարության խոսնակը նաև տեղեկացնում է՝ Արցախի բնակավայրերի շուրջ 80 տոկոսն արդեն ականազերծվել է։ Այս պահին աշխատանքները լեռնային կամ անտառային հատվածներում են։

Արմինե Գևորգյան

Փրկարարների 4 ջոկատ վերսկսել է որոնումները Հադրութի, Ֆիզուլիի և Ջաբրայիլի ուղղություններով
Ադրբեջանի վերահսկողության տակ հայտնված ԱՀ տարածքները համարվում են օկուպացված․ ԱՀ ԱԺ-ի հայտարարությունը
Ադրբեջանի վերահսկողության տակ գտնվող տարածքներում որոնողական աշխատանքները դադարեցվել են
Ադրբեջանական կողմն առանց մեկնաբանության արգելել է որոնողական աշխատանքներ իրականացնել
Արցախյան ազգային-ազատագրական պայքարը հայ ժողովրդի պատմության ամենակարևոր էջերից է