Բավ է պառակտվել
20-10-2022 11:37

Ռուբեն Վարդանյանը համաձայնել է ստանձնել Արցախի պետնախարարի պաշտոնը

Միլիարդատեր և սոցիալական ձեռներեց Ռուբեն Վարդանյանը համաձայնել է ստանձնել Արցախի պետնախարարի պաշտոնը։

«Նոյեմբերի սկզբին ես պաշտոնապես կստանձնեմ Արցախի պետական ​​նախարարի պաշտոնը, այնուհետև կսահմանեմ մեր ռազմավարական նպատակներն ու լուծելիք առաջնահերթ խնդիրները, ինչպես նաև կզեկուցեմ մեր ձեռնարկած առաջին քայլերի մասին»,- գրել է Վարդանյանը։ իր տելեգրամյան ալիքում։

Նրա խոսքով, իրեն չափազանց մտահոգում են Հայաստանի ու Արցախի շուրջ ծավալվող քաղաքական զարգացումները, Արցախի խնդրի լուծման շուրջ սրվող իրավիճակը, որից, առանց չափազանցության, կախված են և՛ Հայաստանի, և՛ Հայկական աշխարհի ճակատագրերը։

«Ես գիտակցում եմ, որ մտածելու ժամանակ այլևս չունեմ, ինչպես նաև, որ այլ ճանապարհ չկա, քան արցախցիների կողքին գտնվելն ու Արցախի ապագայի նկատմամբ իմ բաժին պատասխանատվությունն»,- գրել է Վարդանյանը։

Նա նշել է, որ հանրապետության բնակիչների, նրա քաղաքական և հասարակական գործիչների, տարբեր տարածքների և սոցիալական խմբերի ներկայացուցիչների հետ մեկուկես ամիս հանդիպումներն իրեն համոզել են, որ մարդիկ աջակցում են Արցախի Հանրապետության պետական նախարարի պաշտոնում իր թեկնածությանը և հանձինս իրեն ուզում են տեսնել պատասխանատու առաջնորդի, որն իր շուրջը կհամախմբի բոլոր առողջ ուժերին և կղեկավարի երկիրը ճգնաժամից հանելու իրական աշխատանքները։

Արցախի նախագահ Արայիկ Հարությունյանը հոկտեմբերի 4-ին Վարդանյանին առաջարկել էր զբաղեցնել Արցախի պետական ​​նախարարի պաշտոնը։

Ռուբեն Վարդանյանը կարող է բազմաթիվ խնդիրներ լուծել. Արցախի նախագահ
Արցախի պետնախարարը՝ նախարարներին ազատելու մասին. ճգնաժամային իրավիճակն ու մարտահրավերները կառավարման նոր մոտեցումներ են պահանջում
Արցախի պետնախարարը հիշեցրել է Եվրախորհրդի նախագահին Ղարաբաղի ինքնորոշման առանցքային իրավունքի մասին
Արցախի պետ​​նախարարը Հայաստանի նախագահին է ներկայացրել հետպատերազմյան վերականգնման ծրագրերը
Ռուբեն Վարդանյանն Ալիևին առաջարկել է «ավելի կառուցողական տոնայնության անցնել» Արցախի հետ երկխոսության հարցում