Արցախում պարենամթերքի կտրոնների տրամադրման գործընթացը կսկսվի հունվարի 18-ին, ժամը 9.00-ին, հայտնում է ԼՂՀ տեղեկատվական շտաբը։
«Ավելորդ հերթերից խուսափելու համար հորդորում ենք յուրաքանչյուր ընտանիքից սպասարկման կետ ներկայանա մեկ անձ՝ իր հետ ունենալով ընտանիքի բոլոր անդամների համապատասխան փաստաթղթերն»,- ասված է հաղորդագրության մեջ։
Տեղեկատվական շտաբը ներկայացրել է սպասարկման կետերի ցանկը և դրանց հասցեները Ստեփանակերտում և Արցախի շրջկենտրոններում։
Ավելի վաղ հաղորդվել էր, որ որոշ պարենային ապրանքների կտրոնային համակարգը կգործի հունվարի 20-ից։ Դրանք հասանելի կլինեն Ստեփանակերտի 200 և հանրապետության մարզերի՝ 400 խանութներում։
