Բավ է պառակտվել
11-01-2021 10:23

Զանգելանից 14 զինծառայողի աճյուն է դուրս բերվել

Արցախի փրկարարները հունվարի 11-ին որոնողական աշխատանքներ են իրականացնում մարտական գործողությունների՝ Ասկերանի վերին ենթաշրջանի (Սղնախ), Մարտունու, Հադրութի, Մեխակավանի (Ջաբրայիլ), Որոտանի (Կուբաթլու) հատվածներում: Այս մասին «Արմենպրես»-ի հետ զրույցում տեղեկացրեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը՝ հավելելով, որ բոլոր վայրերում միաժամանակ աշխատելու են հնարավոր թաքնվածներին որոնող խմբեր:

«Նախօրեին որոնողական խմբերը Սյունիքի մարզով մտել են Կովսական (Զանգելան) և դուրս բերել 14 զինծառայողի աճյուն: Ընդհանուր առմամբ՝ որոնողական աշխատանքների արդյունքում առայսօր հայտնաբերվել է 1211 զինծառայողի և քաղաքացիական անձանց աճյուններ»,- մանրամասնեց Թադևոսյանը:

Արցախում հայտնաբերվել է հայ զինծառայողների ևս երեք աճյուն
Արցախի փրկարարները դուրս են բերել ևս 11՝ 10 զինծառայողի և 1 քաղաքացիական անձի աճյուն
Որոնողական աշխատանքների արդյունքում 22 մարմին է դուրս բերվել
Զոհված 7 զինծառայողի աճյուն է հայտնաբերվել
Զանգելանում որոնողական աշխատանքներ կանե՞ն