Telegram @gishernews
13-04-2020 12:17

Արցախում հաստատվել է կորոնավիրուսով վարակվելու ևս 1 դեպք. վարակվածների ընդհանուր թիվը 6-ն է

 

Արցախի Հանրապետության առողջապահության նախարարությունը տեղեկացնում է, որ երեկ թեստավորված 9 քաղաքացիներից մեկի մոտ հաստատվել է կորոնավիրուսի վարակ: Վերջինս Քարվաճառում վարակված քաղաքացու կինն է, ով մինչ այս պահը ինքնամեկուսացված էր:

«Թեստի դրական պատասխանից հետո քաղաքացին մեկուսացվել է Շահումյանի շրջանի Քարվաճառի շրջանային բուժմիավորումում: Քարվաճառի վարակված երկրորդ դեպքով անձի շրջանակը ճշտված է, նրա առողջական վիճակը գնահատվում է բավարար. կորոնավիրուսային վարակին բնորոշ ախտանիշներ չունի:

Քաշաթաղի բուժմիավորումում այսօր մեկուսացվել են Միրիկ համայնքից ևս երկու քաղաքացիներ, ովքեր այդ համայնքում վարակված քաղաքացու շփման առաջին շրջանակից էին: Այս պահին մեկուսացված քաղաքացիների թիվը 12 է, այդ թվում՝ 4 վարակակիրները»,- գրված է հայտարարությունում:

Ավելի վաղ նշվել էր, որ կորոնավիրուսով վարակված 5 քաղաքացիներից մեկի վիճակը միջին ծանրության (Քարվաճառ) է, քանի որ ուղեկցող քրոնիկ հիվանդություններ ունի և հիվանդանոց է դիմել երկկողմանի թոքաբորբով, առաջին վարակվածի մոտ թոքաբորբ կա, որն առավելապես կապված է կորոնավիրուսին հատուկ զարգացմամբ, մյուս քաղաքացիների վիճակը բավարար է:

 

 

Արմինե Գևորգյան

Հայաստանում կորոնավիրուսի 11 նոր դեպք է գրանցվել. Ընդհանուր թիվը 833 (Տեսանյութ)
Ռուսաստանում կորոնավիրուսով վարակվածների թիվը հասել է 114-ի
Հայաստանում գրանցվել է կորոնավիրուսի 30 նոր դեպք, վարակվածների ընդհանուր թիվը 190 է
ՀՀ –ում կորոնոավիրուսով վարկավածների թիվը 1067
Այս պահին կա կորոնավիրուսի հաստատված 64 դեպք.