Ընթացիկ տարվա առաջին կիսամյակում Արցախի բուժհաստատություններում ծնվել է 792 երեխա՝ 406 տղա և 386 աղջիկ, հայտնում է հանրապետության առողջապահության նախարարությունը։
Ստեփանակերտում ծնվել է 697 երեխա, շնունդների ամենամեծ քանակը գրանցվել է Մարտակերտում՝ 66 երեխա, Մարտունիում՝ 29 երեխա։
Հաշվետու ժամանակահատվածում ծնվել է 4 երկվորյակ։
Հաղորդվում է, որ արտամարմնային բեղմնավորման միջոցով ծնվել է 6 երեխա՝ 3 աղջիկ և 3 տղա։
Միևնույն ժամանակ Հայաստանի բուժհաստատություններում ծնվել է արցախցի 15 երեխա՝ 8 տղա և 7 աղջիկ։ Արդյունքում Արցախում առաջին կիսամյակում Արցախում ծնվել է ընդամենը 807 երեխա (414 տղա, 393 աղջիկ):
Առողջապահության նախարարության տվյալներով՝ 2021 թվականի առաջին կիսամյակում Արցախի բուժհաստատություններում ծնվել է 593 երեխա՝ 270 տղա և 323 աղջիկ։ Այսպիսով, նախորդ տարվա նույն ժամանակահատվածի համեմատ այս տարի ծնվել է 200-ով ավելի երեխա։