Բավ է պառակտվել
24-12-2022 18:56

Դեկտեմբերի 25-ին Ստեփանակերտում համաժողովրդական հանրահավաք կանցկացվի

Դեկտեմբերի 25-ին Ստեփանակերտում կանցկացվի հանրահավաք, որտեղ արցախցիները կվերահաստատեն սեփական հողում ապրելու վճռականությունը։ Այս նախաձեռնությունը հայտարարվել է դեկտեմբերի 24-ին Ստեփանակերտի մշակույթի և երիտասարդության պալատում պետական ​​կառույցների և մի շարք մասնավոր ձեռնարկությունների բարձրաստիճան պաշտոնյաների հետ հանրապետության նախագահ Արայիկ Հարությունյանի հանդիպմանը։

Հանդիպմանը, որին մասնակցել են նաև Արցախի Հանրապետության Ազգային ժողովի նախագահ Արթուր Թովմասյանը և պետնախարար, օպերատիվ շտաբի պետ Ռուբեն Վարդանյանը, ներկայացվել է Ադրբեջանի կողմից Արցախի շրջափակման հետևանքով ստեղծված ռազմաքաղաքական իրավիճակը։

Նախագահ Հարությունյանը նշել է, որ դեկտեմբերի 3-ից ադրբեջանական կողմը շրջակա միջավայրի պաշտպանության պատրվակով առաջ է քաշում Արցախի Հանրապետության համար անընդունելի պահանջներ։ Նախագահի խոսքով՝ հերթական մարտահրավերը հաղթահարելու համար անհրաժեշտ է համախմբել ժողովրդին ու քաղաքական դաշտը։

Համաժողովրդական հանրահավաք Ստեփանակերտի Վերածննդի հրապարակում (ուղիղ)
Խնդիրը չի կարող լուծվել սեփական բնօրրանում 120 հազար մարդու բնաջնջմամբ. Արցախի պետնախարարը՝ The Hill Times-ին
Արցախում մի շարք կարևոր ապրանքների, բենզինի և դիզվառելիքի պաշարների սղություն է
Բաբայանը Մերձավոր Արևելքում տեղի ունեցող իրադարձությունները բացատրել է Արցախի դեմ ագրեսիայով
Վարդանյանը կոչ է արել «սեղմել ատամներն ու առաջ գնալ»՝ Արցախը հայաթափելու Ադրբեջանի ծրագրերը ձախողելու համար