Բա՛վ է պառակտվել
06-08-2019 09:42

“Միացու՛մ, Արցախը Հայաստանն է, և վերջ”․ Փաշինյան

Հայաստանի վարչապետ Նիկոլ Փաշինյանը երկուշաբթի ելույթ է ունեցել Ստեփանակերտում, որի ընթացքում հանդես է եկել կոչով։

“Երբ խոսվում է ժողովրդական հեղափոխության մասին, պետք է հասկանալ համահայկական հեղափոխություն, որովհետև ժողովուրդը համայն հայ ժողովուրդն է, ինչպես արձանագրված է Սահմանադրության մեջ դե յուրե և ինչպես արձանագրվեց հեղափոխության ժամանակ դե ֆակտո։ Համահայկական հեղափոխությունը նշանակում է, որ հեղափոխությունը տեղի է ունեցել ոչ միայն Հայաստանում, այլ համայն հայության մեջ”,– ասել է նա։

Նրա խոսքով, դա նշանակում է, որ հեղափոխության արժեքները համահայկական են, և դրանց հետևողական ինստիտուցիոնալ արմատավորումը հայության շրջանում մեր ազգին դնելու է աշխարհի մեծագույն ժողովուրդների շարքում։

“Իր հերթին՝ դա նշանակում է, որ հեղափոխությունը տեղի է ունեցել, բայց չի ավարտվել, որովհետև արժեքների հաստատումը տևական քաղաքական պրոցես է, որը շարունակվում է և պետք է շարունակվի Հայաստանում, Արցախում և Սփյուռքում”,-ասել է Փաշինյանը։

Ըստ վարչապետի, հարկավոր է հրաժարվել “ղարաբաղցիներ”, “իջևանցիներ”, “գյումրեցիներ” և այլ նմանատիպ բաժանումից։

Դրանից հետո ամբոխից հնչել են “միասին”, “միասին” գոչյունները։

“Միացում, միացում, միացում”,- ի պատասխան ասել է Փաշինյանը։

Իր ելույթի ընթացքում վարչապետը բազմիցս կրկնել է “Արցախը Հայաստանն է, և վերջ” արտահայտությունը։

ԼՂ հարցի կարգավորման վերաբերյալ Հայաստանի և Արցախի իշխանությունների պատկերացումները 100 % համընկնում են. Փաշինյան
Հայաստանը պետք է լինի արդյունաբերական երկիր.Նիկոլ Փաշինյան
Վիետնամցի գործարարները պատրաստ են ներդրումներ կատարել Հայաստանում
Հայաստանի համար սա շատ նշանակալի իրադարձություն է․ Վարչապետը ԵԱՏՄ մասնակիցներին
Հայաստանի քաղաքացին գիտակցում է, որ երկրում իշխանության միակ կրողն է. Արարատ Միրզոյան