Բա՛վ է պառակտվել
20-09-2019 13:43

Դիվերսանտներին Ադրբեջանին վերադարձնելու հարցը պետք է լուծի Արցախը․ Դավիթ Տոնոյան

Հայկական կողմի մոտ գտնվող ադրբեջանցի դիվերսանտներ Դիլհամ Ասքերովին և Շահբազ Գուլիևին վերադարձնելու հնարավորությունը` Արցախի սուվերեն որոշման խնդիրն է, ուրբաթ լրագրողների հետ ասուլիսում ասել է Հայաստանի պաշտպանության նախարար Դավիթ Տոնոյանը:
Ավելի վաղ Ադրբեջանի ռազմագերիների, պատանդների և անհայտ կորածների հարցերով կոմիտեն հայտարարել է, որ Բաքուն պատրաստ է փոխանակել իրենց մոտ գտնվող ՀՀ քաղաքացիներ` Կարեն Ղազարյանին և Արայիկ Ղազարյանին Լեռնային Ղարաբաղի Հանրապետությունում դատապարտված ադրբեջանցիներ Դիլհամ Ասքերովի և Շահբազ Գուլիևի հետ:
Նախօրեին վարչապետ Նիկոլ Փաշինյանի մամլո խոսնակ Վլադիմիր Կարապետյանը հաստատել է տեղեկությունը` նշելով, որ Հայաստանի կառավարությունը քննարկում է գերիներին փոխանակելու ադրբեջանական կողմի առաջարկը:
“Երեկ հանդիպել եմ Կարմիր խաչի միջազգային կոմիտեի ներկայացուցիչների հետ: Ինձ փոխանցել են Ադրբեջանի պաշտոնական առաջարկը: Կան քննարկման որոշ խնդիրներ, որոնք ես հիմա բացահայտել չեմ կարող։ Հավելյալ աշխատանք է պահանջվում որոշ տեղեկատվության ճշգրտման համար, և երբ այն ստանանք ադրբեջանական կողմից՝ կպատասխանենք”, - ասել է Տոնոյանը:
Պատասխանելով հարցին, արդյո ՞ ք հայկական կողմը փոխել է իր դիրքորոշումն Ադրբեջանին երկու դիվերսանտի վերադարձնելու հարցի շուրջ, նախարարը նշել է, որ ճիշտ չի համարում դիտարկել ՀՀ քաղաքացիների վերադարձման հարցը փոխանակման տեսանկյունից:
«Մենք սկզբունքորեն դեմ չէնք Հայաստանի քաղաքացիների վերադարձին իրենց տները և աջակցելու ենք այդ գործընթացին։ Սակայն մեզ համար անընդունելի է դիտարկել գերիների վերադարձը փոխանակման տեսանկյունից: Դա բացառապես մարդասիրական ակցիա է: Եվ ես էական տարբերություն եմ տեսնում Հայաստանի քաղաքացիների և Ադրբեջանի այն քաղաքացիների միջև, որոնք գտնվում են Լեռնային Ղարաբաղում: Աշխատում եմ այն հարցի շուրջ, որպեսզի վերադարձնեմ մեր քաղաքացիներին Հայաստան”, - ասել է նա` միաժամանակ չբացառելով, որ փոխանակումը կարող է տեղի ունենալ:
Օգոստոսի 12-ին ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքերում, մարտական դիրքը լքել է զինծառայող, 2000թ. ծնված Արայիկ Ղազարյանը: Ըստ ադրբեջանական լրատվամիջոցների տարածած տեղեկատվության, զինծառայող Ղազարյանը գտնվում է նրանց մոտ: Ավելի ուժ Հայաստանի պաշտպանության նախարարությունը հաստատել է այդ տեղեկատվությունը։
2018թ հուլիսին, անհայտ հանգամանքներում Տավուշի մարզի Բերդավան գյուղի առողջական խնդիրներ ունեցող բնակիչ, 34-ամյա Կարեն Ղազարյանը հայտնվել է Ադրբեջանի տարածքում: Սակայն Ադրբեջանում նրան համարում են դիվերսանտ։ Փետրվարի 27-ին նա դատապարտվել է 20 տարի ազատազրկման՝ խիստ ռեժիմի հիմնարկում։
Դիլհամ Ասկերովը և Շահբազ Գուլիևը զինված խմբի կազմում ապօրինաբար ներթափանցել են Արցախի Հանրապետության տարածք։ Այդ հանցավոր խմբի անդամները կատարել են մի շարք առանձնակի ծանր հանցագործություններ, այդ թվում՝ 17-ամյա Սմբատ Ցականյանի առևանգումն ու սպանությունը, 43-ամյա Սարգիս Աբրահամյանի սպանությունը և 37-ամյա Կարինե Դավթյանին ծանր վնասվածքներ պատճառելը։

«Եթե վարչապետին թվում է, որ «ՍՈՐՈՍ օտարերկյա լեգիոնով» կարողանալու են իրենց վրայից Արցախի թեման շեղել, հիասթափեցնեմ». Աշոտյան
Ադրբեջանի պատերազմի սպառնալիքները ազդեցություն չեն ունենալու Արցախում տեղի ունեցող ժողովրդավարական գործընթացների վրա. ՀՀ ԱԳՆ
Ներքին համոզմունք ունեմ, որ մեր զինվորը աշխարհագրորեն մոլորվել է.ՊՆ Դավիթ Տոնոյան
Արցախը դուրս է եկել Ադրբեջանի կազմից, ինչպես Ադրբեջանը՝ ԽՍՀՄ կազմից․Փաշինյան
Ապրիլի 26-ից մայիսի 2-ը, Ադրբեջանը 170 անգամ կրակել է Արցախում հայկական դիրքերի ուղղությամբ