Լեռնային Ղարաբաղի ինքնորոշման հարցն օրակարգից չի հանվել նույնիսկ 2020 թվականի Հայաստանի և Ղարաբաղի համար այս անհաջող պատերազմի արդյունքում։ Հայաստանի Հանրային հեռուստաընկերությանը տված հարցազրույցում նման կարծիք է հայտնել ՌԴ Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը։
«Ես միշտ կողմնակից եմ եղել, որ ինքնորոշվել ցանկացող ժողովուրդը պետք է ունենա նման իրավունք, ուժով պահել դա նշանակում է նախօրոք գնալ պատերազմի, ռեպրեսիաների և մնացած ամեն ինչի ճանապարհով: Եվ այն, ինչ եղավ. Խորհրդային Միության վերջին տարիներին, ղարաբաղյան հակամարտությունը սկիզբը և Ղարաբաղյան երկրորդ պատերազմի ավարտն ․․․ այլ արդյունքներով, չի ժխտում այն փաստը, որ Լեռնային Ղարաբաղի հայերը ․․․ ժամանակին զենք են վերցրել՝ պաշտպանելու իրենց պատիվը և արժանապատվությունն, որպես ազատ մարդ ապրելու իրենց իրավունքն»,- ասել է Զատուլինը։
Նա ընդգծել է, որ Լեռնային Ղարաբաղի կարգավիճակի հարցը դեռ արդիական է։
«Անձամբ ես կարծում եմ, որ Լեռնային Ղարաբաղը պետք է ձեռք բերի անկախության իրավունք, իհարկե, Ադրբեջանի իշխանությունները կտրականապես դեմ են դրան և այսօր փորձում են հաստատել այն միտքը, որ ընդհանուր առմամբ Ղարաբաղի խնդիրը լուծված է, խնդիր չկա, և Ղարաբաղը. չի կարող անկախ լինել և նույնիսկ ինքնավարություն ունենալ Ադրբեջանի կազմում, ինչպես նախկինում խոստացել էին»,- ասել է պատգամավորը։
Զատուլինը կտրականապես դեմ է այս դիրքորոշմանը։ «Սա ես համարում եմ այն հարցերից մեկը, որը նշանակում է, որ 2020 թվականով գործը, ցավոք, չի ավարտվի, եթե ԼՂ հիմնախնդրի արդարացի լուծում չլինի»,- ասել է նա։