Բա՛վ է պառակտվել
19-08-2019 12:33

Արմին վան Բյուրենը ելույթ կունենա Երևանի Հանրապետության հրապարակում

Աշխարհահռչակ դիջեյ և երաժշտական պրոդյուսեր Արմին վան Բյուրենը ելույթ կունենա Երևանի Հանրապետության հրապարակում։

Ինչպես տեղեկացրել է լրագրողներին առաջատար տեխնոլոգիական ձեռնարությունների միության նախագահ (UATE) Ալեքսանդր Եսայանը, վան Բյուրենի մասնակցությամբ համերգը նվիրված է Երևանում Տեղեկատվական տեխոնոլոգիաների համաշխարհային կոնգրեսի (WCIT) բացմանը:

”WCIT-2019-ի բացման օրը տեղի կունենա յուրահատուկ տեխնո համերգ, որին կմասնակցեն այն բոոր երկրների ներկայացուցիչները, որտեղ մինչ այս կայացել է համաշխարհային կոնգրեսը”, - ասել է Եսայանը:
Համերգային ծրագրում են յուրաքանչուր երկրի ամենահայտնի դասական ստեղծագործությունները, որոնք կկատարվեն ինչպես տեղացի, այնպես էլ արտասահմանյան դիջեյների և երաժիշտների մասնակցությամբ:
Արդյունքում, ըստ Եսայանի, բարձր տեխնոլոգիաների և արհեստական բանականության միջոցով կստեղծվի մեկ միասնական մեղեդի, որը ներդաշնակորեն կկապի բոլոր 17 երաժշտական ստեղծագործությունները: Եսայանը նշել է, որ բարձր տեխնոլոգիաների ոլորտում նման փորձ դեռ երբեք չի եղել:

Արմին վան Բյուրենը արժանացել է մի շարք հեղինակավոր մրցնակների, զբաղեցրել է առաջին տեղը ՛DJ Magazine” ամսագրի “Թոփ 100 DJ-ներ՝ ըստ երկրպագուների” ցուցակում։

2013թ․”This Is What It Feels Like” երգի համար նա առաջադրվել է “Գրեմմի” մրցանակին “Լավագույն պարային ձայնագրություն” կատեգորիայում։ Այսպիսով՝ Tiësto- ի, Paul van Dyke- ի և BT- ի հետ միասին նա դարձել է տրանս ոճով ելույթ ունեցող չորրոդ դիջեյն, ով երբևէ արժանացել է Գրեմմի մրցանակին։

2001 թվականից ի վեր Վան Բուրենը անցկացնում է ամենշաբաթյա հեղինակային ռադիո շոու, որը կոչվում է A State of Trance:

WCIT 2019 Տեղեկատվական տեխնոլոգիաների համաշխարհային կոնգրեսը տեղի կունենա Երևանում այս տարվա հոկտեմբերի 6-9-ը: WCIT-ը բիզնես հաղորդակցությունների և օպերացիաների միջազգային հարթակ է ավելի քան 2 հազար ձեռնարկատերերի, նորարարների, կառավարության ներկայացուցիչների, վերազգային կազմակերպությունների, ներդրողների և ականավոր գիտնականների համար:

 

 

Վանդալիզմ ռուսական Արմավիրում. Գարեգին Նժդեհի հուշատախտակը ներկել են
Թումանյանը պարային լեզվով՝ Վանաձորի թատրոնի բեմում (Լուսանկարներ)
Նոր, «Մրգօղու» փառատոն Նոյեմբերյանում (Լուսանկարներ, տեսանյութ)
Այս թատերաշրջանում Պետական կամերային երաժշտական թատրոնը պրեմերիաների պակաս չի զգալու
100 լուսանկարի պատմություն