Հինգշաբթի օրը Ստոկհոլմի կենտրոնական Էստերմալմ շրջանում գտնվող Couleur պատկերասրահից հափշտակել են Սալվադոր Դալիի տասից ավելի քանդակ։
“Արդեն հիմա պարզ է, որ գողացվել է 10-12 քանդակ, բայց դեռևս դժվար է ասել ճշգրիտ թիվն”,- ասել է պատկերասրահի սեփականատեր Պեդեր Էնստրյոմը։ - Ես ընկճված եմ, ես այնքան երկար պայքարել եմ այս ցուցահանդեսի կազմակերպման համար”։ Ըստ նրա, գողոնի ընդհանուր արժեքը կազմում է միլիոնավոր կրոն (հարյուր հազարավոր դոլար)։
Ոստիկանությունը սկսել է հետաքննությունը և կարծում է, որ պատկերասրահում եղել է առնվազն երկու չարագործ, ովքեր հեռացել են հանցագործության վայրից ավտոմեքենայով։ Պատահարի մանրամասները դեռևս չեն բացահայտվում։ “Գողացվել է մի քանի իր, բայց քննության գաղտնիության նկատառումներից ելնելով ես չեմ կարող նշել գողոնի արժեքը”,- նշել է մայրաքաղաքի ոստիկանության ներկայացուցիչ Տուվե Հեգը։ - Մենք պետք է դեռևս ստուգենք, արդյո՞ք այս վայրում կան տեսախցիկներ, որոնք նկարահանել են պատահարը”։