Հայոց ցեղասպանության թանգարան-ինստիտուտի տնօրեն Հարություն Մարությանը լրագրողների հետ հանդիպմանը պատասխանել է հարցին, արդյո՞ք թանգարանի գործունեության սահմանափակման վերաբերյալ մտահոգություններ կան հայ-թուրքական հարաբերությունների հնարավոր կարգավորման դեպքում։
Մարությանը բացասական է պատասխանել.
«Հայոց ցեղասպանության հիշատակը մեր ինքնության հիմնասյուներից մեկն է: Ցանկացած երկրի արտաքին և ներքին քաղաքականությունը հիմնված է ինքնության տարրերի իմացության և հարգանքի վրա: Ես խորապես համոզված եմ, որ նույնը կլինի մեր դեպքում: Դեռևս փոփոխության որևէ նշույլ չկա»,- ասել է նա։
Ինստիտուտի տնօրենը տեղեկացրել է նաև, որ Արցախյան 44-օրյա պատերազմից հետո թանգարան-ինստիտուտում ստեղծվել է Արցախի, Նախիջևանի և Ադրբեջանի հայերի դեմ բռնաճնշումների ուսումնասիրման գիտահետազոտական բաժին։
«Ղարաբաղի և Հայաստանի հետ կապված աշխարհում օտար լեզուներով շատ ադրբեջանական գրականություն է տպագրվում, և մեր գործողությունները անհամաչափ են»,- ասել է նա։
Մարությանը նշել է, որ սա լոկ առաջին քայլն է. Այս տարի նախատեսվում է International Journal of Armenian Genocide Studies (Հայոց ցեղասպանության ուսումնասիրության միջազգային հանդես) անգլալեզու հրատարակության երկրորդ համարը նվիրել անգլալեզու հրապարակումներին՝ նվիրված Արցախի հետ կապված խնդիրների ուսումնասիրությանը։
«Մեր պարտության պատճառներից մեկն, իմ կարծիքով, նաև տեղեկատվական, գիտական դաշտում ձախողումն է, մենք հաճախ շատ տեղեկատվություն հրապարակում ենք միայն հայերենով, ինչը նշանակում է հասնել միայն ներքին լսարանին։ Արտաքին լսարանի համար մենք շատ քիչ ենք հրապարակում»,- ասել է նա։
Հայ-թուրքական հանդիպումների մասին
Ավելի վաղ Հայաստանն ու Թուրքիան նշանակել էին հայ-թուրքական հարաբերությունների կարգավորման իրենց հատուկ ներկայացուցիչներին։
Հայ և թուրք հատուկ ներկայացուցիչներ ՀՀ ԱԺ խոսնակ Ռուբեն Ռուբինյանի և փորձառու դիվանագետ, ԱՄՆ թուրքիայի նախկին դեսպան Սերդար Քըլըչի առաջին հանդիպումը կայացավ հունվարի 14-ին Մոսկվայում, երկրորդ հանդիպումը՝ փետրվարի 24-ին Վիենայում։ ։
Հայաստանի ԱԳՆ-ն հատուկ ներկայացուցիչների դրական է գնահատել, նշելով, որ վերջնական նպատակը Հայաստանի և Թուրքիայի միջև հարաբերությունների լիարժեք կարգավորումն է։