Հոլիվուդյան հանրահայտ դերասան Ջորջ Քլունին եւ նրա կինը՝ հայտնի փաստաբան Ամալ Ալամուդդինը, քիչ առաջ ժամանեցին Հայաստան։ Այցի շրջանակներում աստղային զույգը մասնակցելու են Aurora Prize for Awakening Humanity միջազգային առաջին մրցանակաբաշխության: Մրցանակաբաշխությունը նպատակ ունի միավորելու աշխարհի մարդասերներին եւ հանձնել մրցանակներ նրանց, որոնք ռիսկի են ենթարկում իրենց կյանքը` հանուն այլ կյանքերի փրկության: Արարողությունը կկայանա ապրիլի 24-ին Երևանում։ Ջորջ Քլունին կհայտարարի հաղթողի անունը, իսկ կինը կուղեկցի նրան` որպես մասնավոր դեմք: