Երևանի քաղաքապետ Հայկ Մարությանը երեքշաբթի օրը նշանակել է Երևանի երեք վարչական շրջանների թաղապետերի և գլխավոր ճարտարապետի։
Համաձայն քաղաքապետի որոշման՝ հայկական մայրաքաղաքի գլխավոր ճարտարապետ է նշանակվել Արթուր Մեսչյանը։
1996թ․Մեսչյանը հրավիրվել էր Հայաստանի կառավարության կողմից զբաղեցնելու Երևանի գլխավոր ճարտարապետի պաշտոնը։ Վերադառնալով Հայաստան, նա սկսել է աշխատել որպես գլխավոր ճարտարապետ, սակայն 1997թ․փետրվարին հրաժարական է ներկայացրել և վերադարձել Բոստոն։
Մեսչյանը Մատենադարանի նոր մասնաշենքի, ինչպես նաև 2015թ․բացված Կոմիտասի թանգարանի նախագծերի հեղինակն է։
Երևանի գլխավոր ճարտարապետ Տիգրան Բարսեղյանը հրաժարական է տվել 2018թ․ սեպտեմբերի 18-ին։ Նա զաբաղեցնում էր այդ պաշտոնը 2013թ․օգոստսից։
Նուբարաշենի համայնքի թաղապետ է նշանակվել Թելման Թադևոսյանը, Կենտրոն համայնքի՝ Վիկտոր Մնացականյանը, Էրեբունիի՝ Արման Աբրահամյանը։
Հոկտեմբերի 23-ից դադարեցվել են Նուբարաշեն և Կենտրոն վարչական շրջանների ղեկավարների պաշտոնակատարներ Արթուր Կիրակոսյանի և Արա Սադոյանի լիազորությունները։