79 տարեկան հասակում մահացել է խորհրդային և հայ թատրոնի ու կինոյի նշանավոր դերասան, Հայաստանի ժողովրդական արտիստ Ռաֆայել Քոթանջյանը։ Այս տեղեկությունը լրագրողներին հաստատել են ՀՀ կրթության, գիտության, մշակույթի և սպորտի նախարարությունից։
Դերասանի մահվան պատճառը չի նշվում։
Ռաֆայել Քոթանջյանը ծնվել է 1942 թվականի սեպտեմբերի 9-ին Թբիլիսիում (Վրաստան)։ 1946 թվականին նրա ընտանիքը տեղափոխվել է Երևան։
Նա ավարտել է Երևանի գեղարվեստա-թատերական ինստիտուտի դերասանական բաժինը, մի քանի տարի աշխատել Զանգեզուրի Շիրվանզադեյի անվան պետական թատրոնում։ Այնուհետև ավфարտել է Մոսկվայի բարձրագույն ռեժիսուրայի դասընթացները և աշխատել Երևանի հեռուստատեսությունում։ Խաղացել է Հրաչյա Ղափլանյանի հիմնադրած Երևանի դրամատիկական թատրոնի թատերախմբում։
Քոթանջյանը խաղացել է բազմաթիվ ֆիլմերում․ «Քաոս», «Ադամանդե ձեռքը», «Պատվի համար», «Մեր բակը», «Կոմսուհի դե Մոնսորո» և այլն։