Նախագահ Սերժ Սարգսյանն այսօր շնորհավորական ուղերձ է հղել կոմպոզիտոր, ՀՀ ժողովրդական արտիստ Սասուն Պասկեւիչյանին՝ ծննդյան 75-րդ տարեդարձի կապակցությամբ: «Ձեր երգերը մեծ ժողովրդականություն են վայելում եւ արժանիորեն սիրվում ու գնահատվում կատարողների եւ ունկնդիրների կողմից: Գնահատելի է նաեւ Ձեր հասարակական եռանդուն եւ արդյունավետ գործունեությունը, որ Դուք ծավալել եք հայրենիքում եւ սփյուռքում: Մաղթում եմ Ձեզ առողջություն, երջանիկ կյանք եւ ստեղծագործական նոր հաջողություններ»,-ասված է ՀՀ նախագահի շնորհավորական ուղերձում: