Հայտնի ռուս երգչուհի Ալյոնա Սվիրիդովան նշում է իր քաղաքացիական ամուսին Դավիթ Վարդանյանի հետ համատեղ կյանքի 11-ամյակը։
“Մեկը մոխրագույն, մյուսը՝ սպիտակ, երկու ուրախ սագ: Մեզ համար աննկատ ապրեցինք 11 տարի։ Ո՞վ կմտածեր”, - այսպես է ստորագրել Սվիրիդովան Instagram- ի իր էջում տեղադրված լուսանկարը:
Նա իր գրառումն ուղեկցել է #ժողովուրդներիբարեկամություն և #ռուսներնուհայերնարժենմիմյանց հեշթեգերով։
Առաջին անգամ հայ գործարար Վարդանյանի հետ երգչուհու հարաբերությունների մասին հայտնի է դարձել 2012թ․ Այդ ժամանակից ի վեր ցանցում բազմիցս լուրեր էին հայտնվում, որ Ալյոնան և Դավիթը գաղտնի ամուսնացել են, սակայն երգչուհին հերքում էր այդ լուրերը, հայտնելով, որ դեռևս պատրաստ չէ նոր ամուսնական հարաբերությունների։
Սվիրիդովային չի հուզում տարիքային տարբերությունը սիրելիի հետ․երգչուհին մեծ է Դավիթից 14 տարով։ Ալյոնան ունի երկու որդի նախկին ամուսնություններից։ Դավիթը շատ արագ լեզու է գտել նրա երեխաների հետ։