Չորեքշաբթի Կ․ Դեմիրճյանի անվան մարզահամերգային համալիրի (ՄՀՀ) համերգասրահում կկայանա Հայաստանում եզակի "Steinway" ռոյալի շնորհանդեսը, հայտնում է Հայաստանի պետական սիմֆոնիկ նվագախմբի մամլո ծառայությունը։
ՄՀՀ-ը ՀՀ կառավարության աջակցությամբ Հայստանում եզակի թանկարժեք երաժշտական գործիքը ձեռք է բերել Համբուրգի “Ստենվեյ և որդիներ” գործարանից։
Շնորհանդեսի շրջանակում առաջինը “Steinway” ռոյալի վրա կնվագի Հայաստանի ժողովրդական արտիստ, կոմպոզիտոր Տիգրան Մանսուրյանը:
Կցուցադրվի նաև ռոյալի գնման և և Հայաստան առաքման պատմութունը ներկայացնող տեսահոլովակը։ Միջոցառումը կավարտվի Հայաստանի պետական սիմֆոնիկ նվագախմբի լարային համույթի, սոպրանո Յուլիանա Գրիգորյանի և դաշնակահար Հայկ Մելիքյանի կատարմամբ:
Ներկայացման կազմակերպիչներն են ՄՀՀ-ը և Հայաստանի պետական սիմֆոնիկ նվագախումբը: