Բավ է պառակտվել
03-10-2016 10:17

Հայտնի են Փարիզում Քիմ Քարդաշյանի վրա կատարված հարձակման մանրամասները

Փարիզյան հյուրանոցում ոստիկանական համազգեստով դիմակավորված երկու տղամարդ հրազենով սպառնացել են ռեալիթի շոուի հեռուստաաստղ Քիմ Քարդաշյանին։

Այս մասին կիրակի հայտարարել է հեռուստաաստղի պաշտոնական ներկայացուցիչը:

Հարձակվողները հինգն են եղել։ Նրանք գողացել են Քարդաշյանի թանկարժեք զարդերը, որոնք գնահատվում են մի քանի միլիոն դոլար։

Պաշտոնական ներկայացուցչի խոսքով` Քարդաշյանը «շոկի մեջ է, սակայն մարմնական վնասվածքներ չի ստացել»։ Միջադեպը տեղի է ունեցել հյուրանոցի համարներից մեկում։

Քարդաշյանն այցելել է Փարիզ` մասնակցելու Նորաձևության շաբաթվա միջոցառումներին։

Ավելի վաղ Քիմ Քարդաշյանի ամուսինը` Քանյե Ուեսթը, դադարեցրել է իր համերգը Նյու Յորքում` տեղեկացնելով հանդիսատեսին, որ ստիպված է դադարեցնել ելույթը «ընտանեկան հանգամանքների» պատճառով։