Թոնի Բրեքսթոնը հոսպիտալացվել է: 48-ամյա երգչուհին հոսպիտալացվել է գայլախտ քրոնիկ հիվանդության բարդացումների պատճառով, որը առաջին անգամ նրա մոտ ախտորոշվել էր 2010-ին։
«Գրեմմի» մրցանակաբաշխության յոթ մրցանակների դափնեկիրը սկզբում բուժհետազոտություն է անցել Ատլանտայում, իսկ հետո՝ անցած շաբաթվա վերջին Լոս Անջելես է ուղևորվել, որտեղ բուժում է ստացել հիվանդանոցներից մեկում. անունը չեն հայտնում։ Աղբյուրի տվյալներով երգչուհին բուժհաստատությունում չորս օր է անցկացրել։
Ի սկզբանե բժիշկները նրա վիճակը գնահատել են ծանր։ Սակայն երգչուհու ներկայացուցչի՝ Մարին Օ՝ Քոնորի խոսքով, հիմա նա տանն է ու իրեն լավ է զգում։
Բրեքսթոնը ծրագրում է մոտ օրերս սկսել համերգային փորձերը՝ գալիք հյուրախաղերին պատրաստվելու համար։