Մոսկվայի Տրետյակովյան պետական պատկերասրահը մեծանուն նկարիչ Հովհաննես Այվազովսկու ծննդյան 200-ամյակին նվիրված ցուցահանդեսի, որը բացվելու է հուլիսի 29-ին, մոտ 17 հազար տոմս է վաճառել:
Նշենք, որ Տրետյակովյան պետական պատկերասրահը Այվազովսկուն նվիրված ցուցահանդեսի առիթով պատմության մեջ առաջին անգամ կիրառում է տոմսերի առ-ցանց վաճառք: Պատկերասրահից հայտնել են, որ նրանք, ովքեր չեն օգտվում ինտերնետից, կարող են ձեռք բերել տոմսարկից:
Հիշեցնենք, որ Մոսկվայի Տրետյակովյան պատկերասրահում բացվելու է Այվազովսկու ծննդյան 200-ամյակին նվիրված ցուցահանդեսում ներկայացվելու է նկարիչ ավելի քան 6000 կտավից 120-ը: Տարբեր թանգարաններից, այդ թվում նաև Հայաստանի Ազգային պատկերասրահից, նկարչի աշխատանքներ են տարվել Տրետյակովյան պատկերասրահ՝ ցուցահանդեսում ներկայացնելու համար:
Ցուցահանդեսը գործելու է մինչև նոյեմբերի 20-ը: