Վայոց Ձորի մարզում գտնվող հնագույն Սուրբ Աստվածածին եկեղեցու պատերին հայտնաբերվել են գունագեղ որմնանկարներ, որոնք այսօր ոչնչացման սպառնալիքի տակ են։ Երկուշաբթի օրը այս մասին լրագրողներին տեղեկացրեց անկախ հետազոտող Տիգրան Մկրտչյանը:
« Գնդեվազ գյուղի մասին Ղևոնդ Ալիշանի հոդվածում ես մի հիշատակում հանդիպեցի այն մասին, որ Սուրբ Աստվածածնի պատերին նկարներ են պատկերված։ Պարզվեց, որ Ալիշանը որպես առաջնային աղբյուր օգտագործել էր 1877-1878 թվականներին գրված հոդվածները, բայց անհասկանալի պատճառներով այդ տեղեկատվությունը անուշադրության էր մատնվել և հետագայում, իհարկե, մոռացվել էր։ Բայց ես որոշեցի գնալ այնտեղ և իմ աչքերով տեսնել դա»,- ասել է Մկրտչյանը:
Հետազոտողը նշում է, որ ցնցվել է, երբ եկեղեցու պատերին իրոք հայտնաբերել է որմնանկարներ, որոնք հիացրել են իրենց արժեքով:
«Երբ ես այդ լուսանկարները հրապարակեցի ինտերնետում, դրանք լայն արձագանք ստացան, բայց եկեղեցու գմբեթի արևմտյան մասն ամբողջովին ավերված է և անձրևը փչացնում է որմնանկարները։ Եթե ոչինչ չձեռնարկենք, շուտով մենք կկորցնենք դրանք»,- ասել է նա:
Մկրտչյանի խոսքերով որմնանկարները պատկանում են 17-րդ դարի վերջին և 18-րդ դարի սկզբին, իսկ բուն Սուրբ Աստվածածին եկեղեցին կառուցվել է 17-րդ դարի վերջին:
«Որմնանկարների թվում կա մեկը, որը թվագրվում է 1906 թվականին, այն իր ոճով զգալիորեն տարբերվում է մյուսներից։ Բայց մյուսները, փորձագետների գնահատմամբ, ստեղծվել են 17-րդ դարի վերջին և 18-րդ դարի սկզբին։ Դրանք Վանաձորի մարզի ամենագունագեղ որմնանկարներն են, որտեղ Շատիվանքի եկեղեցու պատին դեռ պահպանվել են 10–րդ դարի հսկայական որմնանկարի մի մասը, որոնք ցավոք, տարիների ընթացքում, սևացել են»,- հավելել է փորձագետը:
Փորձագետն ընդգծել է նաև պատասխանատու կառույցների անգործությունը, որոնց նա բազմիցս է դիմել, սակայն, բոլորը նշել են, որ տվյալ խնդրի համար չկան համապատասխան միջոցներ:
Բավ է պառակտվել